Lýsing
Um starvið
Talan er um eitt nýtt starv fulla tíð at seta skjótast til ber. Arbeiðsstaðurin er í Havn, og arbeitt verður vanliga gerandisdagar í dagtímunum. Tú hevur tilvísing til deildarleiðaran á Fíggjardeildini.
Um Fíggjardeildina
Fíggjardeildin er partur av Fyrisitingini í Almannaverkinum. Á Fíggjardeildini starvast 17 fólk. Deildin er býtt upp í fýra toymi: bókhaldið, umsiting av pensjón, Vaktætlanartoymið og fíggjarfulltrúatoymi. Í fíggjarfulltrúatoyminum starvast í løtuni fýra fólk.
Almannaverkið umsitur landsins størstu játtan á fíggjarlógini við eini rakstrarjáttan, sum fíggjar vardar bústaðir, umlætting, vardar verkstaðir, sambýli og tænastur til sálarsjúk, og stuðul og bú- og viðgerðarstovnar til børn og ung umframt fyrisitingina. Harafturat kemur lógarbundna játtanin til eitt nú almannapensjónir og ymiskar veitingar. Almannaverkið er millum Føroya størstu arbeiðspláss.
