Lýsing
Íslendski happadrátturin DAS leitar eftir fólki at vera umboð, rødd og andlit hjá DAS í Føroyum. Starvið er parttíðarstarv við skiftandi arbeiðstíðum.
Sum umboð fyri DAS skalt tú svara spurningum frá føroyskum viðskiftafólki umvegis telefon, teldupost og sosialar miðlar.
Tú skalt eisini umsita føroysku Facebook- og Instagramsíðurnar hjá felagnum, og í tøttum samstarvi við DAS í Íslandi og okkara føroyska samskiftisveitara, avgreiða átøk og annrs mynda DAS í Føroyum.
Vit vænta, at tú:
- ert fyrikomandi
- dugir væl at lurta og leiðbeina
- dugir væl føroyskt mál í skrift og talu
- (skal man duga gott føroyskt mál? – ella má tað vera: dugir VÆL føroyskt mál...)
- skilur enskt ella íslendskt
- dugir at arbeiða skipað og sjálvstøðugt
- hevur grundleggjandi telduførleikar
- hevur royndir innan tænastu
Vit bjóða eitt avbjóðandi og mennandi starv, har tú í stóran mun skipar tín egna arbeiðsdag. Løn sa mbært avtalu.
Hevur tú spurningar um starvið, kanst tú skriva til okkara á valgeir@das.is ella ringja til okkara á +354 780 4077
Umsókn, ið skal vera okkum í hendi í seinasta lagi 24. oktober, skal sendast til valgeir@das.is
Um DAS Happadrátt
DAS Happadráttur er íslendskt eydnuspæl, við dráttum hvørja viku, ið árliga útlutar yvir 50.000 vinningar fyri slakar 100 mió DKK.
DAS varð sett á stovn í 1954 og er vælgerandi felag, ið letur nærum 40% av søluni út aftur sum vinningar. Yvirskotið fer fyrst og fremst til at betra umstøðurnar hjá eldri borgarum.
Í Føroyum samstarvar DAS við Ítróttavedding og letur sostatt ein part til føroyskan ítrótt og føroyska mentan.
Føroyingar hava altíð spælt við í happadráttinum hjá DAS. Sølan av lutaseðlum fer fram á das.fo, og allir vinningar eru sjálvandi skattafríir.