Havstovan søkir eftir tveimum skiparum

Søkt verður eftir skiparum til nýggja havrannsóknarskipið Jákup Sverra

Starvið fevnir m.a. um hesar uppgávur:

• Hevur høvuðsábyrgdina av skipinum.
• Hevur høvuðsábyrgdina umborð at allar viðkomandi skipanir verða fylgdar. Hesar eru m.a. ISM-skipanin og góðskuskipan, reinføri o.l. í sambandi við dagliga virksemið umborð.
• Skal seta seg inn í viðkomandi lógir og reglur, ið Havstovan og skipið arbeiða eftir.
• Skal arbeiða í tøttum samstarvi við „túrleiðaran“ á Havstovuni fyri hvønn túr.
• Annað fyrifallandi arbeiði.

Førleikakrøv

• Vinnubræv sum skipari á handilsskipi, Reg. II/2.3.
• Heilsuváttan fyri sjófólk.
• Stórur dentur verður lagdur á, at umsøkjarin hevur fiskiroyndir við trolara og royndir undir Føroyum.
• Galdandi prógv, so sum trygdarskeið, eldsløkking, sjúkraviðgeri og onnur viðkomandi skeið.
• Góðan førleika at samskifta.
• Stórur dentur verður lagdur á góð samstarvsevni og hegni at fyriskipa.

Setanartreytir
Størvini verða sett eftir sáttmála millum Føroya Skipara- og Navigatørfelag og Fíggjarmálaráðið. Starvsheitið er skipari.

Umsóknir
Skrivligar umsóknir við CV og avrit av viðkomandi prógvum og møguligum ummælum, skulu vera Havstovuni í hendi í seinasta lagi 5. november 2021.

Umsóknin skal sendast til:
Havstovan, Nóatún 1, P.O. Box 3051, FO-110 Tórshavn
ella teldupost: hav@hav.fo

Nærri upplýsingar um størvini kunnu fáast við at venda sær til Annfinn Hjelm, reiðara (annfinnh@hav.fo, tlf. 35 39 00 ella 21 54 75) ella Martin Mohr í Grund, stýrimann (marting@hav.fo, tlf. 74 16 19).

Størvini skulu setast skjótast gjørligt, men vit eru sinnað at bíða eftir teimum røttu fólkunum.