Lýsing
Brennur tú fyri eldraøkinum og fyri at skapa góð og virðilig kor fyri húsfólk og aldrandi borgaran, so er tað tær, vit leita eftir til eldrasambýlið oman Mattalág, ið er partur av Heilsu- og umsorganartænastuni í Tórshavnar kommunu. Starvsbyrjanin er 1. apríl 2025, ella eftir avtalu.
Eldrasambýlið oman Mattalág
Á eldrasambýlinum oman Mattalág húsast 8 fólk. Mattalág er eitt eldrasambýlið har primera fokusøkið er minnissvinn. Á heiminum starvast sjúkrarøktarfrøðingar, heilsurøktarar og heilsuhjálparar. Starvsfólkatrivnaður og felagsskapur hava stóran týdning fyri okkum. Vit stremba eftir høgari fakligheit, har vit arbeiða viðurkennandi og skapa ein heimligan, tryggan og innihaldsríkan gerandisdag, har húsfólk, starvsfólk og avvarðandi trívast, mennast og hava tað gott.
