Lýsing
Brennir tú fyri eldraøkinum og fyri at skapa góð og virðilig kor fyri húsfólk og tann aldrandi borgaran, so er tað møguliga tær, vit leita eftir til Handarastovu.
Á Handarastovu búgva 16 fólk, sum hava sjúkuna demens. Dentur verður lagdur á, at húsfólkini fáa eina dygdargóða røkt á høgum fakligum støði, at tey trívast og hava ein innihaldsríkan gerandisdag í tryggum kørmum. Uppgávurnar eru umframt røkt og umsorgan at skipa fyri aktivitetum, sum geva degnum innihald og stimbra sansirnar hjá húsfólkunum, sum hava demenssjúku. Á deildini starvast sjúkrarøktarfrøðingar, heilsurøktarar og heilsuhjálparar umframt hjálparfólk.
Heldur tú, at tað gevur góða meining at hava umsorgan fyri, og røkta eldri menniskju, sum hava demenssjúku, og hevur tú hug at arbeiða við persónssentreraðari umsorgan, har tú virkar fyri at búfólkini fáa ein góðan gerandisdag og verða stuðlað í at varðveita minnini og kenna seg virðismett. Ert tú áhittin og dugir at skapa eitt heim við góðum huglagi? So er tað tær vit leita eftir.
https://www.torshavn.fo/um-kommununa/starv-i-kommununi/leys-stoerv?job=144487
