Lýsing
Heilsurøktarar og heilsuhjálparar til demensdeildina Handarastovu á Lágargarði
Í sambandi við uppnormering hava vit tørv á tær til okkara væl etableraðu deild við ungum virkisfúsum starvsfólkum. Hjá okkum fært tú eitt starv við einum yrkisliga spennandi og mennandi gerandisdegi á einum arbeiðsplássi við dugnaligum starvsfelagum, sum allir stremba eftir høgari fakligheit.
Vit arbeiða viðurkennandi og gera nógv burturúr at skapa ein innihaldsríkan gerandisdag, har búfólk og avvarðandi trívast, mennast og hava tað gott.
Vit hava góðar karmar og arbeiðsumstøður, og starvsfólkatrivnaður og felagsskapur hevur stóran týdning fyri okkum.
Vit hava eitt opið arbeiðspláss við góðum umstøðum og fjølbroyttum avbjóðingum. Starvsbyrjan er 1. okt. 2021 ella skjótast gjørligt.
Umsóknarfreistin er 9. august 2021.
Hevur hetta tín áhuga, kanst tú lesa meira um starvið her: https://www.torshavn.fo/um-kommununa/starv-i-kommununi/leys-storv/heilsuroktarar-og-heilsuhjalparar-til-demensdeildina-handarastovu-a-lagargardi/