Lýsing
Um størvini
Talan er um 4 størv sum starvsfólk í viðtalum har kommunulæknin ikki er í føstum starvi. Talan kann eisini vera um avloysarastarv í øðrum viðtalum, har tørvur er á tí.
Størvini eru:
- 2 størv í Tórshavn, Læknahúsið í Gundadali, viðtala 3 (Suðurstreymoyar læknadømi), har setanarbrøkurin samanlagt er 1,4
- 1 starv í Runavík, Heilsudepilin við Skálafjørðin, viðtala 3 (Skálafjarðar læknadømi), har setanarbrøkurin er umleið 0,6
- 1 starv í Kollafirði, Læknaviðtalan í Kollafirði (Vestmanna læknadømi), har setanarbrøkurin er umleið 0,8
Førleikar og eginleikar
- Tú hevur eina heilsufakliga útbúgving, eitt nú sum sjúkrarøktarfrøðingur, ella útbúgving sum læknaskrivari
- Tær dámar væl at hava nógv um at vera og at arbeiða bæði sjálvstøðugt og saman við øðrum
- Tú ert fyrikomandi
- Tú dugir at halda skil á upplýsingum og, tá tað er neyðugt, at gera metingar um, hvat er viðkomandi ella hevur størst týdning
- Tað kann verða ein fyrimunur, um tú hevur royndir frá kommunulæknaviðtalu ella hevur viðkomandi skeið, men hetta er ikki ein treyt
Tú fært upplæring í arbeiðsgongdunum í viðtaluni tær fyrstu vikurnar.
Lønar- og setanartreytir
Lønar- og setanartreytir verða sambært sáttmála millum Fíggjarmálaráðið og viðkomandi yrkisfelag.
Umsókn
Umsókn við prógvum, CV og øðrum viðkomandi skjølum verður at senda til heilsutrygd@heilsutrygd.fo ella til Heilsutrygd, Postsmoga 52, Klaksvíksvegur 7, FO-700 Klaksvík
Umsóknir skulu vera Heilsutrygd í hendi í seinasta lagi hósdagin 10. november 2022 kl. 12.00.
Størvini verða sett frá 1. desember 2022 ella eftir nærri avtalu.
Vilt tú hava fleiri ella neyvari upplýsingar, kanst tú venda tær til Petur Martin Hansen, deildarleiðara á Heilsutrygd á tlf. 614003.