Lýsing
Fyri 2 starvsfólk, sum eftir trúgva og drúgva tænastu fara frá við pensjón og til víðari lesnað, søkir Heimatænastan í Roðanum eftir tveimum heilsuhjálparum til heimahjálparabólkin á Skála.
Talan er um tvey størv í starvsbrøki 0,65 svarandi til 25 tímar um vikuna. Vit eru tó opin fyri at gera tillagingar í størvunum, um ynski er um tað.
Sum útgangsstøði er talan um størv, har arbeitt verður 7/7 (arbeiða 7 dagar og frí 7 dagar), har tað yvir eitt skeið á 6 vikur, verður arbeitt tvey skeið í dagvakt og eitt skeið í kvøldvakt. Størvini eru til setan frá 1. oktober 2023.
Heimahjálp verður veitt borgarum, sum hava tørv á persónligari og praktiskari hjálp, umsorgan, røkt og stuðli við endamálið at fyribyrgja sjúku, stimbra sálarligu og likamligu heilsu og trivnaði borgarans. Málið er at viðlíkahalda førleikar og endurmenna mistan førleika, - og soleiðis stimbra møguleika hins einstaka at klára seg í egnum heimi.
Førleikar
- Útbúgving sum heilsuhjálpari
- Áhuga at veita eldri borgarum hjálp og røkt
- Áhuga at arbeiða við heilsustimbran, fyribyrgjan og endurvenjing
- Evni at samskifta í skrift og talu
- Hug at arbeiða sjálvstøðugt í tvørfakligum toymi í menning
- Jaligan hugburð
- KT-førleika á brúkarastøði
- Koyrikort
Hevur tú royndir við at arbeiða við fólki, her undir eldraøki, er tú eisini vælkomin at søkja, hóast tú onga útbúgving hevur
Vit bjóða tær
- Góða upplæring
- Spennandi og mennandi gerandisdag
- Ávirkan á menningina av tænastum
- Góðar umstøður og fjølbroyttar avbjóðingar
- Møguleika at seta tín dám á
Setanarviðurskifti
Starvið verður lønt sambært sáttmála við KAF / Fíggjarmálaráðið og Heilsuhjálparafelag Føroya
Meira fæst at vita
Meira fæst at vita um starvið við at venda sær til Kristbjørg Toftegaard, deildarleiðara í heimatænastuni Telefon 478304 ella við telduposti til kristbjorgt@rodin.fo
Umsókn
Umsókn saman við prógvum, upplýsingum um útbúgving og royndir verður at senda til rodin@rodin.fo. Viðmerkjast skal: ”Heimahjálp til heimatænastuna”
Umsóknarfreistin er 21.august.2023.
