Hjálparbryggjari til OY

Um stutta tíð letur nýggja bryggjhúsið OY upp á Hálsi í Havn. Høvuðsbryggjarin hjá okkum hevur úr at gera, og honum tørvar nú eyka hendur. Vit sóknast tí eftir einum bryggjara at hjálpa til í dagliga arbeiðinum.

Vit kunnu bjóða tær eitt spennandi fulltíðarstarv í einum nýggjum bryggjhúsi við barr- og matstovuvirksemi umframt sølubúð undir somu tekju. Arbeiðsumhvørvið verður brúsandi og lívligt, og arbeiðsumstøðurnar framúr góðar. Lønt verður sambært avtalu.

Uppgávurnar hjá tær fevna um:

• At hjálpa høvuðsbryggjaranum í dagliga arbeiðinum
• At reinsa útgerð
• At tappa
• At vera við í dagliga rakstrinum

Um teg:

• Tú hevur áhuga fyri brygging og framleiðslu
• Tú gongur upp í reinføri og ert skipað/ur
• Tú hevur nakað av tekniskum førleikum

Ljóðar hetta sum rætta starvið til tín? So er bara at senda umsóknina avstað til Petur Petersen, stjóra: petur@oy.fo