Lýsing
Hevur tú hug at starvast við rakstri, bygging og viðlíkahaldi í Føroya størstu handilsfyritøku?
SMS hevur seinastu árini víðkað um sítt virksemið til at umfata handlar og matstovur kring alt landið.
Vit reka í dag sølumiðstøðirnar SMS og Miðlon í Havn, Bryggjuna í Runavík, bakaríið Mylnan, Bónus-handlarnar, Miklagarð, matarstøðini í SMS og Angus Steakhouse í Tórshavn og Klaksvík.
Vit leita eftir einum dugnaligum húsasmiði ella líknandi, ið er fakliga væl fyri og gongur upp í sítt handverk.
Talan er um eitt fjølbroytt og mennandi starv, har tú verður partur av einum toymi, sum hevur ábyrgd av byggiverkætlanum, viðlíkahaldi og umvæling av bygningum hjá SMS-samtakinum.
Tað er tydningarmikið, at tú hevur góð samstarvs- og samskiftisevni, tá tú kemur at starvast saman við verkætlanarleiðara og øðrum fakbólkum.
Vit ímynda okkum, at tú
- hevur viðkomandi útbúgving innan handverk
- dugur væl at samstarva, samstundis sum tú kanst arbeiða sjálvstøðugt
- hevur góð evni at loysa byggitekniskar uppgávur og hevur eyga fyri smálutum
- er ábyrgdarfull/ur og hevur áhuga fyri at menna teg fakliga
- hevur koyrikort (ein fyrimunur)
Vit kunnu bjóða tær
- eitt fjølbroytt og avbjóðandi starv í einum virknum og fakliga sterkum toymi
- góðar arbeiðsumstøður og møguleika fyri fakligari menning
- løn og treytir sambært avtalu
- eitt arbeiðspláss, har trivnaður og samstarv er í hásæti
Talan er um fulltíðarstarv.
Umsóknarfreistin er 4. januar 2026 á midnátt, og starvið verður sett eftir avtalu.
Umsókn, lívsrensl og onnur viðkomandi skjøl skulu sendast umvegis leinkjuna her: https://sms.totalview.cloud/recruitment/application/index/2366.
Hevur tú spurningar um starv ella starvssetan, ert tú vælkomin at seta teg í samband við Høgna Zachariasen á telefon 216525.
Hevur tú hug at vera við til at byggja og røkja karmarnar kring virksemið hjá SMS-samtakinum?
So gleða vit okkum at hoyra frá tær!
