Klaksvíkar Kommuna
Lýsing
Kommununar í Norðoyggjum umframt Eysturkommuna og Fuglafjarðarkommuna eru farnar í samstarv um integratión, og søkja tí eftir fólki til nýggja starvi sum integratiónssamskipari sum skal vegleiða, hjálpa og vísa á møguleikar og tænastur í kommununum, saman við politisku skipanini so vit tryggja at fólk trívast og verða ein virkin partur av samfelagnum.
Arbeiðsuppgávan umfatar m.a.:
- Eyðmerkja tørv og menna eina integratiónstilgongd við eisini at framleiða kunnandi tilfar
- Stuðla nýggjum tilfytarum at læra føroyskt og skilja føroysk viðurskifti, herundir skyldir og rættindi
- Byggja brýr millum tilflytarar og lokalsamfelagið/føroyingar gjøgnum kunning og vegleiðingum
- Skipa fyri sosialum, tvørmentanarligum og integratiónsfremjandi kunningartiltøkum í samband við onnur tiltøk í kommununum fyri bæði ung og eldri
- Halda eyga við avbjóðingum á integratiónsøkinum og vera við til at finna loysnir
- Venda sær til einstaka tilflytaran og tilflytarar sum heild og eitt nú tora at vera í samrøðuni saman við teimum
- Samstarva við mynduleikar, stovnar, felagskapir og onnur sum arbeiða við integratión
- Verða bindilið millum kommununa og nýggir tilflytarar, so tey kenna seg sum part av nærumhvørvinum
Les meira um starvið og søk umvegis leinkjuna á okkara heimasíðu.
Integratiónssamskipari til norðurøkið – freistin er 15. mars 2026
