Lýsing
Tímir tú at matgera, ert kreativ/ -ur og dámar at veita eina góða tænastu? So er tað kanska tær vit leita eftir! Køkurin á Klaksvíkar Sjúkrahúsi manglar eina køkshjálp frá 1. mars ella eftir avtalu.
Starvið er 28 tímar um vikuna og arbeiðstíðin er frá kl. 8.00 til 15.00. Vikuskiftisvaktir eru 3. hvørt vikuskifti.
Vit leggja okkum eftir at veita góða kostrøkt og tænastu til sjúklingar og øll okkara viðskiftafólk.
Vit framleiða mat til eina sjúklingadeild, røktarheim, sambýli og dagtilhald, heimabúgvandi pensionistar, kantinu, fundir og annað virksemi á Klaksvíkar Sjúkrahúsi.
Starvið umfatar lættari matgerð, arbeiði í kantinu, dagliga reingerð, uppvask og annað fyrifallandi.
Førleikakrøv:
Vit vænta av tær, at tú:
- hevur góð samstarvsevnir
- ert arbeiðssom/samur og nærløgd/-lagdur
- ert álítandi og ábyrgdarfull/-ur
- hevur ein hugburð, sum stuðlar undir góðum arbeiðsumhvørvi og trivnaði
- hevur sjálvsálit og dirvi til at siga tína hugsan
- ert fleksibul og hevur evni at raðfesta
- Við serligum atliti til arbeiðið í kantinuni
o ert kreativ/ -ur, sært møguleikar og dámar at matgera smærri rættir til sølu
o ert tænastusinnað/-ur, fyrikomandi og dámar væl at fáast við kundar og onnur
viðskiftafólk - Arbeiðsroyndir í køki, kantinu ella líkn. kann vera ein fyrimunur
Vit bjóða eitt arbeiðspláss við góðum kørmum, har tú saman við dugnaligum og góðum starvsfelagum, kanst fáa ávirkan á tænastuna hjá køkinum. Eisini bjóða vit eitt arbeiðspláss, har tað er vítt til veggja og rúmd fyri nýhugsan og nýskapan.
Løn og setanartreytir smb. sáttmála hjá arbeiðarafeløgunum í Klaksvík.
Nærri fæst at vita um starvið við at venda sær til Nicolinu Jacobsen, leiðara í køkinum, á tel. 404581 ella umvegis teldupost: nicolina@ks.fo
Umsóknarfreistin er 20. januar 2025
Umsókn skal sendast við telduposti til: umsokn@ks.fo
Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og
Suðuroyar sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.
Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.
Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.
