Kokkar, kokkalælingar og matstovuleiðari til OY

SKJÓTT letur OY dyrnar upp fyri gestum, og vit gleða okkum so ómetaliga nógv at bjóða tykkum vælkomnum innum í stóra og flotta bryggjaríið, har lagt verður upp til gott lag við leskiligum øli og mati. Ja! Tú læs rætt - OG mati.

Ikki einans fara vit at rætta leskiligar øl yvir borðdiskin; Vit fara eisini at borðreiða við smakkríkum barbecue rættum í ektaðum brewpub manéri! Tí leita vit eftir einum matstovuleiðara, kokkum og kokkalærlingum, ið hava hug at vera við at byggja upp nýggja virksemið á Hálsi.

So ert tú útbúgvin kokkur, ella ynskir tú at koma í læru hjá okkum sum kokkalærlingur? Ella ert tú júst tann matstovuleiðarin, sum vit leita eftir? OG heldur tú, at øl, matur og góður hýrur ganga hond í hond? So hoyra vit fegin frá tær!

Hevur tú spurningar til størvini, ert tú vælkomin at senda ein teldupost til petur@oy.fo ella sigmundur@oy.fo

Vit gleða okkum at móttaka tína umsókn, ið kann sendast til petur@oy.fo