Lýsing
Skal okkurt henda nú?
Vit leita eftir trimum lærlingum til Bygma Balslev!
Hevur tú hug at arbeiða í einum virki har tú fær ábyrgd frá fyrsta degi, og har tú fært veruligt innlit í sølu, innkeyp, vøruviðgerð og kundatænastu? So er hetta kanska akkurát nakað fyri teg!
Vit vænta nógv av okkara lærlingum – og vit lova eisini at geva nógv aftur. Tú verður ein týðiligur partur av okkara toymi og fært møguleikan at hava egi øki, sum tú sjálv/ur hevur ábyrgd av – við uppfylling, bílegging og útsjónd. Vit hjálpa tær sjálvandi væl í gongd.
Størvini eru tvey lærupláss í Byggibúðini og eitt lærupláss í Timburdeildini.
Hvat leita vit eftir?
Vit leita eftir fólki sum:
- Hava áhuga fyri sølu og vørum av okkara slag
- Eru forvitin og áhugað/ur at læra – tú skalt ikki vita alt frammanundan
- Tora at spyrja og geva sítt boð – eisini um vit gera okkurt, sum kundi verið betri
- Eru í góðum lag og vilja hava tað stuttligt á arbeiðsplássinum
- Eru liðug/ur við miðnám
Hvat fert tú at læra?
Nógv! Tú fert m.a. at læra um:
- Søluteknikk og kundasamskifti
- Byggitilfar av ymsum slag, amboð og annað praktiskt
- Goymslustýring, logistikk og innkeyp
- Marknaðarføring og framseting av vørum
Og tú skalt eisini nakrar ferðir á skúlabonk í Danmark – alt eftir hvussu útbúgvingin er skipað. Samlaða lærutíðin er áleið 2 ár um tú hevur miðnámsútbúgving. Tú fært løn undir allari útbúgvingini. Lønin er góð og er eitt vet hægri enn lærusáttmálin hjá S&K annars hevur.
Starvsstaðurin er hjá Bygma Balslev í Hoyvíki og arbeiðstíðin er 40 tímar um vikuna.
Hví søkja?
Tí tú fært eina útbúgving við góðum framtíðarmøguleikum, arbeiðir saman við dugnaligum og hjálpsomum starvsfeløgum – og tí tú verður ein týdningarmikil partur av einum nútímans virki í vøkstri.
Um Bygma Balslev
Tað starvast 80 fólk hjá Bygma Balslev og vit hava deildir í Hoyvík og í Suðuroy. Bygma Balslev selur tilfar og amboð til nýbygging og umbygging. Í løtuni eru seks lærlingar.
Klárt at søkja?
Send okkum eina stutta umsókn á ke@balslev.fo innan sunnudagin 24. august.
Hevur tú spurningar um læruplássini í Byggibúðini; ring ella skriva til Birnu, leiðara í Byggibúðini á tlf. 34 50 46 ella bse@balslev.fo.
Hevur tú spurningar um læruplássið í Timburdeildini, ring ella skriva til Helga, leiðara í Timburdeildini á tlf. 34 50 76 ella hdm@balslev.fo
Vit gleða okkum at hoyra frá tær!
Bygma Balslev
