Lýsing
Vit leita eftir einum skrivstovulærlingi, ið er forvitin og ágrýtin eftir at læra.
Sum skrivstovulærlingur fært tú innlit í fyrisiting, búskap, tolling o.a. Tú lærir at arbeiða við tekstviðgerð, dátugrunnum, rokniørkum og ymiskum KT skipanum, samstundis sum tú lærir at samskifta við viðskiftafólk, bæði munnliga og skrivliga.
Útbúgvingin tekur millum 2 og 4 ár, og verður lærutíðin roknað eftir, um tú hevur nakra miðnámsútbúgving frammanundan. Tú kemur at skifta ímillum verkliga læru á skrivstovuni og skúlagongd á Glasir í Havn.
Høvuðsskrivstovan hjá SMS er í Tórshavn. Tað starvast 22 fólk á skrivstovuni, og tú fær møguleikan at menna teg bæði fakliga og persónliga í einum vælvirkandi arbeiðsumhvørvi.
Hevur tú hug at byrja tína yrkisleið hjá okkum, kanst tú senda tína umsókn, saman við avritum av prógvum og møgulig viðmæli, til okkum umvegis leinkjuna her: https://sms.totalview.cloud/recruitment/Application/Index/2348 í seinasta lagi 27. apríl 2025 á midnátt.
Nærri fæst at vita um læruplássið við at venda sær til Susanne Nielsen, fíggjarleiðara, á telefon 218861. Starvið verður sett eftir avtalu.
