Lýsing
Tjóðsavnið søkir eftir konservatori til eitt tvey ára tíðaravmarkað starv frá 1. mars 2025 ella so skjótast gjørligt. Setanin kann leingjast við 1-2 árum, um báðir partar ynskja tað.
Tjóðsavnið eigur ein hóp av lutum á goymslu, sum í 2024 fekk staðfest blámusopp. Í hesum sambandi er Tjóðsavnið farið undir eina verkætlan, har høvuðsendamálið er at reinsa, skráseta, pakka og flyta allar lutir Tjóðsavnsins í onnur fyribils goymsluhølir. Konservatorurin kemur at arbeiða í hesum toymi.
Talan er um eitt týdningarmikið og áhugavert starv, har arbeitt verður við føroyska mentanararvinum, sum er savnaður inn seinastu 120 árini.
Tjóðsavnið er eitt gott arbeiðspláss við nógvum ymiskum fólkum, útbúgvingum og førleikum, og vit leggja dent á trivnað og góð sosial tiltøk.
Høvuðsuppgávurnar hjá konservatorinum eru:
- At handfara siðsøguligar savnslutir
- Støðumetingar, verndarætlan og viðgerð av lutum
- Ráðgeva og vegleiða
- At skráseta lutir í SARA
- At seta skrásetingarnummar á lutir
- Avmynda lutir
- Pakka og flyta lutir
- Annað savnsarbeiði
Førleikar:
- Útbúgving: Bachelor/kandidat (BA.scient.cons. eller cand.scient.cons.) ella samsvarandi
- Kropsliga væl fyri
- Nærlagni
- Systematisk/ur og nágreinilig/ur
- Kunna arbeiða sjálvstøðugt og í toymi
- Fyrikomandi, góð samstarvsevni og ágrýtni
- Koyrikort
Lønar- og setanartreytir
Starvið verður sett og lønt sambært sáttmála millum Fíggjarmálaráðið og Akademikarafelag Føroya.
Fleiri upplýsingar
Meira fæst at vita um starvið við at seta seg í samband við Súsannu Joensen, konservator, susanna@savn.fo tlf. 790555 ella Juliannu Mørkøre Dalbø, goymsluvørð og verkætlanarleiðara, julianna@savn.fo tlf. 340580.
Umsókn
Umsókn við avriti av prógvum, CV og viðkomandi skjølum skulu sendast gjøgnum skipanina Alfred: Konservator til verkætlanarstarv á Tjóðsavninum | Tjóðsavnið
Umsóknir skulu vera Tjóðsavninum í hendi í seinasta lagi mánadagin 3. februar.
Tjóðsavnið er eitt náttúru- og fornminnissavn. Høvuðsuppgávan hjá Tjóðsavninum er at savna inn, skráseta, varðveita og granska og miðla í náttúru- og mentanarvirðum landsins. Savnið skal fremja upplýsing og útbúgving innan mentan og náttúru, so stuðlað verður undir samfelagsmenningini, samstundis sum savnið vegna landið umsitur lóggávu og stuðulsskipanir á økinum. Tjóðsavnið skal miðla arbeiðið á stovninum gjøgnum útgávur, framsýningar, tiltøk og undirvísing fyri ung og gomul.
