Lýsing
Hevur tú gott eyga fyri visuellum samskifti og talgildum miðlum? Elskar tú at gera Reels og grafiskt innihald, sum fangar, vekir áhuga og hugvekir? Hjá Kemilux fært tú møguleikan at sameina skapandi og strategiskt arbeiði, har tú veruliga kanst gera mun!
Vit leita eftir einum kreativum marknaðarfólki at arbeiða fulla tíð. Tú fært saman við søluleiðaranum, ábyrgd av allari marknaðarpalettuni - frá grafiskum- og videotilfari til sosialar miðlar og nethandil. Her fært tú frælsi til at menna okkara samleika, og gera marknaðarátøk, ið veruliga gera mun – bæði í Føroyum, til húsarhald og vinnu, og uttanlands.
Um starvið
Sum marknaðarfólk fert tú at spæla ein lyklaleiklut í at menna okkara tilveru á føroyska og útlendska marknaðinum. Tú kemur at framleiða grafiskt mynda- og videotilfar til sosialar miðlar, heimasíðu, sølutoymið og aðrar marknaðarpallar. Eisini kemur tú at røkja og menna okkara nethandil, har tú hevur ábyrgd av innihaldi, vørum og kundauppliving.
Tú kemur at verða partur av sølutoyminum, har vit arbeiða sum eitt toymi, stuðla hvørjum øðrum, og leggja dent á dygd, samstarv og persónligu eginleikarnar. Tú fært eina góða innleiðslu í okkara vørur, herundir egin framleiddum sápum, skipanum og arbeiðsgongdir, soleiðis at tú trygd kanst koma í gongd.
Tínar uppgávur verða m.a. at:
- Framleiðsla av grafiskum tilfari
- Videoframleiðsla
- Umsita sosialar miðlar (Facebook, Instagram, LinkedIn, Tiktok & Youtube)
- Umsita nethandil & heimasíðu
- Arbeiða strategiskt við marknaðar- og søluátøkum
- Skriva og dagføra innihald til heimasíðu, lýsingar, vørubløð v.m.
- Samskifta og planleggja við veitarar
- Annað fyrifallandi arbeiði
Tín vangamynd
Vit ímynda okkum, at tú:
- Ert nærverandi, forvitin og hevur lætt við at knýta samband við onnur
- Hevur áhuga og royndir innan grafiska sniðgeving og videoframleiðslu
- Hevur gott visuelt eyga og nærlagdni í tínum arbeiði
- Ert kreativ/ur, sjálvstøðug/ur og ábyrgdarfull/ur
- Hevur góðan telduførleika
- Dugir væl at orða teg á føroyskum og enskum, bæði í skrift og talu
Fyrimunir, um tú:
- Hevur viðkomandi útbúgving, t.d. innan marknaðarføring, multimedia ella líknandi
- Hevur royndir frá líknandi starvi
- Kennir til viðkomandi skipanir, sum t.d. Canva, Adobe pakkan ella aðrar
Vit bjóða tær:
- Eitt spennandi og fjølbroytt starv í eini spennandi fyritøku
- Møguleikan at seta tín kreativa og strategiska dám á Kemilux
- Ábyrgd og frælsi at menna okkara marknaðarførslu saman við okkum
- Eitt arbeiðsumhvørvi, har samstarv og frælsi er í miðdepli
Arbeiðsstaður og løn
Starvsstaður er í Hoyvík, á Hjalla 14, har sølutoymið, handil, innkeyp og goymsla halda til. Arbeiðstíðin er frá kl. 08:00 til 16:00.
Setanarviðurskifti og løn verða ásett eftir avtalu.
Umsókn og freist
Umsókn, lívsrensl og avrit av øðrum viðkomandi skjølum, skulu vera okkum í hendi í seinasta lagi sunnudagin tann 21. desember 2025. Tú søkir við at senda umsókn og lívsrensl til benjamin@kemilux.com
Umsóknir verða viðgjørdar leypandi. Starvið verður sett skjótast gjørligt, ella eftir nærri avtalu.
Vita meira
Hevur tú spurningar, ella ynskir tú at vita meira, ert tú vælkomin at seta teg í samband við Benjamin Deveci, søluleiðara, á tlf. 789900, ella við at senda teldupost til benjamin@kemilux.com
Um Kemilux
Kemilux er ein lokal fyritøka við kundum um allan heim, og er skrásett hjá ACHILLES og er ISO 9001:2015 góðkend.
Felagið hevur røtur heilt aftur til 1965, og hevur verið virkin partur í føroyska húsarhaldinum og føroysku vinnuni líka síðan. Reingerðarvørurnar eru kendar í Føroyum og úti í heimi, og fyritøkan arbeiðir støðugt við at menna vørur og tænastur, sum skara framúr í góðsku og nýtslu. Kemilux selur eisini reingerðarútgerð, trygdarútgerð og arbeiðsklæðir. Hjá Kemilux starvast um 30 fólk, og felagið húsast í tveimum stórum bygningum í Havn.
