Lýsing
Aktuelt hevur brúk fyri einum dugnaligum fólki afturat. Vit leita eftir fólki við útbúgving í journalistikk ella aðrari viðkomandi útbúgving. Eisini fólk við drúgvum royndum í yrkinum kunnu søkja. Vit hugsa okkum, at tú trívist í einum rímiliga skjótum og dynamiskum umhvørvi, har vit viðhvørt seta dagsskránna, og aðrar dagar spenna okkum út at dekka tað, sum er týðandi fyri føroyingar.
Starvið, talan er um, er eitt avloysarastarv fram til endan á 2026. Tað er parttíðarstarv við møguleika at økja tímatalið ymisk tíðarskeið. Brøkurin er settur til 0,7.
Kringvarp Føroya virkar á trimum pallum: útvarp, sjónvarp og á kvf.fo, og tú skalt vænta at arbeiða á í minsta lagi tveimum. Tí skalt tú eisini duga føroyskt væl í skrift og talu.
Starvið verður sett skjótast til ber.
Vit bjóða
- ein livandi og meiningsfullan arbeiðsdag
- eitt pláss í einum tøttum redaktionellum samstarvi
- eitt starv, har tú fært innlit í forvitnisligar partar av føroyska samfelagnum
Tú skalt
- vilja gera mun
- finna tínar egnu søgur, eins væl og lofta, tá redaktørurin gevur tær søgur at gera
- hava høgt trúvirði og vera álítandi
- tola tíðartrýst og virða tíðarfreistir
- tosa eitt mál, sum øll skilja
- arbeiða í skiftandi vaktum og vera til reiðar at sleppa øllum, tá ið brátíðindi skulu út
Setanar- og lønarviðurskifti
Tann, ið sett/-ur verður, má tola broytingar í starvinum og arbeiðsuppgávunum. Starvið verður sett sambært sáttmála millum Starvsfelagið og Fíggjarmálaráðið. Arbeiðstíðin er 28 tímar um vikuna í miðal í skiftandi vaktum.
Evstamark at søkja er 2. januar 2026.
Umsóknir til starvið skulu sendast til umsokn@kvf.fo. Meira fæst at vita um starvið við at venda sær til Katrina Petersen, tíðindaleiðara, telefon 296649, ella við at senda teldupost til katrinp@kvf.fo.
