Lýsing
Dámar tær væl at vera nøkur fet frammanfyri fakliga og at gera tíni hugskot til veruleika? Og kundi tú hugsað tær nýggjar avbjóðingar í fyritøku, ið virkar á altjóða marknaðinum? Sum partur av KT deildini hjá Atlantic Airways, ið telur 5 dugnalig starvsfólk, sleppur tú at royna teg í avbjóðandi og fjølbroyttum starvi við nógvum spennandi uppgávum.
Starvið
Høvuðsuppgávurnar á KT deildini fevna um rakstur, viðlíkahald og menning av innanhýsis skipanum og samanbinding (integratión) av skipanum, har tín uppgáva so verður innan menning og samanbinding.
Okkara KT skipanir fevna eitt nú um ferðaseðlasølu, avgreiðslu av flogførum og flogfólki, inntøku- og útreiðslustýring, viðlíkahald av flogførum og tyrlum, umsiting og aðrar uppgávur. Hetta krevur eitt margfeldi av serskipanum og altjóða skipanum, sum vit nýta í dagliga arbeiðinum.
Tú fert eisini at hava ábyrgd av verkætlanum, sum tú verður partur av.
