Lýsing
Skurðdepilin á Landssjúkrahúsinum søkir eftir einum læknaskrivara til fast starv á fulla tíð í Urologiini, at seta sum skjótast.
Arbeiðsplássið verður bæði á Klaksvíkar Sjúkrahúsi og á Landssjúkrahúsinum.
Uppgávurnar eru fjølbroyttar og fevna í høvuðsheitum um skriving, visitering, samskifti við sjúklingar og avvarðandi, bæði gjøgnum telefon og teldupost, samskipan av virkseminum í ambulatoriinum og operatiónsgongini.
Læknaskrivaratoymið í Urologi er staðsett á Klaksvíkar Sjúkrahúsi, og kemur tann sum verður settur at arbeiða í tøttum samstarvi við tær. Harumframt kemur tann setti at arbeiða á Landssjúkrahúsinum ávísar vikur, í tøttum samstarvi við urologiska toymið, ið fevnir um læknar og sjúkrarøktafrøðingar.
Skipanir, ið verða nýttar, eru Cosmic, Mirsk, Outlook, Office pakkin og Trio
Vinarliga søk starvið her.
