Vinnuháskúlin
Útgivið
4. august 2022
Útgongur
19. august 2022
Staður
Boks 104, 110 Tórshavn, Faroe Islands
Starvsstaður
Vitjandi
36

Lýsing

Søkt verður eftir lærara til Trygdardepilin við Áir at byrja 1. oktober ella eftir nærri avtalu.

Starvsøki

  • undirvísa í brunaverju, eldsløkking og roykkaving
  • undirvísa á trygdar, bátaførara- og FRB skeiðum
  • til- og avriggan í sambandi við skeið
  • viðlíkahald av sløkki- og aðrari bjargingarútgerð

Skeiðsluttakarar
Tey, ið fáa upplæring í eldsløkking og trygd v.m. á Trygdardeplinum, eru í høvuðsheitinum: sjófólk, sløkkiliðsfólk og starvsfólk á virkjum og stovnum.

Vit leggja dent á at lærararnir:

  • duga væl at samstarva og samskifta
  • hava áhuga í at læra frá sær
  • hava ein jaligan hugburð mótvegis skeiðsluttakarum og starvsfeløgum
  • stremba eftir at fáa bestu úrslitini
  • áhaldandi vilja menna seg sjálvan og skúlan
  • hava hegni og áhuga í nýggjari tøkni
  • hava góðar málsligar førleikar, bæði í skrift og talu
  • hava góðar KT førleikar

Førleikakrøv
Umsøkjarar skulu hava útbúgving sum maskinmeistari, skipsførari ella tilsvarandi útbúgving, ið kann javnmetast og hava minst 2-ára starvsroyndir sum yvirmaður umborð á skipi ella líknandi.

Lønar- og setanartreytir
Starvið verður lønt sambært sáttmála millum Fíggjarmálaráðið og fakfeløgini maskinmeistaralærarar ella sjómansskúlalærarar í Føroyum. Arbeiðsstaðið er á Trygdardeplinum við Áir, men viðkomandi, ið verður sett/ur, má tola broytingar í starvinum.

Umsóknir
Eru spurningar um starvið, ert tú vælkomin at venda tær til Róa H. Rasmussen, deildarleiðara, á teldupostadressu roi@vh.fo  telefon 229942 ella Símun Poulsen, stjóra, á teldupostadressu simun@vh.fo  telefon 517220

Umsókn saman við viðkomandi prógvum og lívsrensli skal sendast til: starv@vh.fo. Viðmerk "Lærari til Trygdardepilin”. Freistin at søkja starvið er fríggjadagin 19. august 2022.

SØK STARVIÐ

 

 

Skúlin tilskilar sær rætt til at velja millum innkomnar umsóknir ella ikki at seta nakran av umsøkjarunum í starv.

UM VINNUHÁSKÚLAN
Vinnuháskúlin bjóðar góðar og breiðar útbúgvingar, ið kunnu brúkast bæði á sjógvi og landi. Vinnuháskúlin fevnir um navigatiónsskúla, maskinmeistaraskúla og trygdardepil. Føroyingar hava altíð verið eitt siglandi fólk, og tí eru maritimu útbúgvingarnar eisini millum elstu útbúgvingar í Føroyum. Á skúlanum starvast uml. 50 starvsfólk. Skúlin er útgjørdur við nýggjastu tøkni til at stimbra og fjøltátta frálæruna. Les meira á heimasíðu skúlans www.vh.fo

Umbið Persónliga Fráboðan

Tygum fáa nú starvslýsingar sum passa til núverandi leiting.

T-post Fráboðan

T-post Fráboðan vera sendar tygum Umbið

 

Persónligi RSS Føðari

Tygara persónligi RSS Føðari er niðanfyri, avrita og set í tygara RSS lesara.
Umbið