Lýsing
Hugsar tú um at gerast alari? Hiddenfjord bjóðar tær eitt spennandi lærupláss við samanrenning millum upplæring á læruplássi og undirvísing í skúla.
Sum lærlingur fært tú møguleika at arbeiða við aling á sjógvi og landi, og í skúlatíðarskeiðnum lærir tú um ástøðilig viðurskifti í sambandi við aling.
Skúli
Tá ið tú ert í læru sum alari, fert tú á skúlaskeið á Miðnámi í Vestmanna í fýra umførum. Á skúlanum fært tú undirvísing í almennum lærugreinum og yrkislærugreinum, so sum fiskaaling, alitøkni, trygd, burðardygd og alibúskapi. Tú kanst lesa meira um útbúgvingina her
Samlaða lærutíðin er fýra ár. Býtið millum skúla og lærupláss er 2½ ár á læruplássi og 1½ ár á skúla.
Staðseting
Vit hava lærupláss til smoltstøðina á Fútakletti og til aliøkini á sjónum, ið eru í Vestmanna, í Miðvági, í Sørvági og á Velbastað. Lærlingarnir sleppa at royna seg í øllum liðum í laksaframleiðsluni hjá Hiddenfjord.
Upptøkukrøv
Fyri at verða upptikin krevst, at tú hevur 9. floksprógv.
Umsóknarfreist
Umsóknarfreistin er 1. apríl 2026. Skúlaskeiðið byrjar í heyst.
Løn
Lønin verður ásett sambært galdandi sáttmálum og lønartalvum á arbeiðsmarknaðinum, ið síggjast her.
Umsókn
Meiri fæst at vita um starvið við at venda sær til:
- Petur Skeel Dahl, rakstrarleiðara á smoltstøðini, á telefon 210135
- Hans Olsen, rakstrarleiðara á sjónum, á telefon 230415
Umsókn við CV, prógvum, viðmælum og øðrum viðkomandi skal sendast til starv@hiddenfjord.com.
Um Hiddenfjord
Hiddenfjord er ein føroysk familjufyritøka, sum alir laks í Føroyum. Felagið hevur verið í stórari menning í mong ár og hevur í løtuni umleið 250 starvsfólk. Fyritøkan hevur smoltstøð, aling, góðskingarvirki og søludeild. Hiddenfjord leggur stóran dent á at ala í samljóði við náttúruna, so framtíðar møguleikar ikki verða darvaðir av nútíðar virksemi.
