Lýsing
Nú hevur tú møguleikan at gerast partur av einari spennandi fyritøku í stórari menning.
Kundi tú hugsað tær at komið við í okkara toymi? Nýggja Borg á Glyvrum søkir eftir lærlingi til køksdeildina.
Um teg:
- ert søluáhugað/ur
- hevur gott hugflog og áhuga í at innrætta
- skilur týdningin av nøgdum kundum
- ert álítandi og dugir at taka ábyrgd
- hevur góðar KT førleikar
- ert skipað/ur og fjølbroytt/ur
- hevur miðnámsskúlaprógv
Arbeiðið umfatar:
Sølu, innkeyp, bílegging av vøru, kundarøkt, at tekna og innrætta Designa køkar (tú fært upplæring í tekniskipanini Winner). Alt í tøttum samstarvi við allar deildir okkara.
Skúlagongdin er í Danmark, og tú kemur tí at ferðast til Danmarkar í lærutíðini.
Vit bjóða eitt arbeiðspláss í góðum arbeiðsumhvørvi, við spennandi verkætlanum og góðum møguleikum fyri menning saman við góðum starvsfeløgum.
Ert tú klár/ur til nýggjar avbjóðingar?
Umsókn:
Send okkum eina umsókn, saman við viðkomandi prógvum, lívsrensli og møguligum ummælum til hr@borg.fo og viðmerk ”Lærupláss”.
Ynskir tú at fáa meira at vita um starvið, kanst tú ringja til Regin Olsen á tlf. 237274
Vit gleða okkum at hoyra frá tær.
Umsóknarfreistin er 27. februar 2025
