Lýsing
Kundi tú hugsa tær at verði súkklumekanikari? Súkkluhandilin RENT A BIKE & OUTDOOR leitar eftir lærlingi til súkkluverkstaðið. Tú fært eina spennandi útbúgving við samanseting av upplæring á læruplássinum og undirvísing í skúla.
Sum súkklumekanikaralærlingur lærir tú at kanna, stilla og umvæla teir ymsu deilirnar á súkklunum, so sum gir, bremsur, hjól og róður. Tú lærir at arbeiða við nógvum ymsum sløgum av súkklum, eisini el-súkklum.
Arbeiðsuppgávurnar eru fjølbroyttar og fevna eisini um at samla nýggjar súkklur, selja súkklur og súkkluútgerð, umframt at leiga súkklur út og at viðlíkahalda leigusúkklur.
Vit vænta, at tú ert fyrikomandi og tænastusinnað/ur, at tú trívist í einum lívligum umhvørvi og hevur áhuga fyri mekaniskum arbeiði, handli og ferðavinnu.
Starvið verður sett skjótast til ber.
Skúlagongd:
Tá ið tú ert í læru sum súkklumekanikari, fert tú á skúlaskeið í Danmark í fýra umførum. Skúlaskeiðini eru um veturin. Tú kanst lesa meira um útbúgvingina her: https://www.yrkisdepilin.fo/utbugvingar/toekni-flutningsfoer/sukklumekanikari
Útbúgvingarlongd:
3 ár og 3 mánaðir býtt millum lærupláss og skúla.
Upptøkukrøv:
Fyri at verða upptikin krevst, at tú hevur 9. floksprógv.
Løn:
Lærlingaløn verður ásett sambært sáttmála millum Føroya Arbeiðsgevarafelag og Landsfelag Handverkaranna.
Umsókn:
Send okkum eina umsókn við CV, viðmælum og øðrum viðkomandi skjølum til rentabike@rentabike.fo
Umsóknarfreistin er sunnukvøldið 20. apríl 2025.
Meiri fæst at vita um starvið við at venda sær til Bartal í Gongini á telefon 270 600.
Um RENT A BIKE & OUTDOOR
Talan er um ein súkkluhandil, ið selur súkklur, súkkluútgerð, rulluskoytur, rennihjól og skatebords; handilin hevur 60+ leigusúkklur, umframt súkkluverkstað, ið umvælir allar súkklur.
