Lýsing
Leiðari til dagrøktarskipanina á Viðareiði
Søkt verður eftir leiðara í til dagrøktarskipanina á Viðareiði at byrja frá 1. august at rokna.
Leiðarin hevur ábyrgdina av dagrøktini og frítíðaransingini, sum fevnir um áleið 40 børn frá 1-ára aldri og til børn, ið ganga í 3. flokki, harav eru nøkur børn, sum hava serligan tørv. Í løtuni eru 10 starvsfólk knýtt at ansingarskipanini.
Vit leggja dent á at menna børnini sosialt, málsliga og likamliga, og at tað einstaka barnið kennir seg trygt og blómar, meðan tað verður ansað hjá okkum.
Vit ímynda okkum ein leiðara, ið hevur hugsjónir í mun til námsfrøði og leiðslu. Ein leiðara, ið vil virka fyri einum høgum fakligum støði, har námsfrøðin er í miðdeplinum. Vit ynskja ein leiðara, ið ynskir menning – bæði sjálvsmenning og menning fyri stovnin. Samstundis er tað umráðandi, at tú dugir at sameina yvirskipaða leiðslu gerandisdegnum – nærlagni í mun til tíni starvsfólk, í mun til foreldrasamstarv og ikki minst; nærlagni til børnini, sum tú varðar av.
Í starvinum hevur tú:
- fíggjarligu og námsfrøðiligu ábyrgdina á stovninum
- ábyrgd av at tryggja, at virksemið verður útint í samsvar við lógarverk, ásetingar og mál
- ábyrgd av at tryggja umstøður fyri góðum virksemi á stovninum
- ábyrgd av starvsfólkamenning
- ábyrgd av at arbeiða við umstøðum, ið krevja menning ella ábøtur
- yvirskipaða ábyrgd av foreldrasamstarvinum
- yvirskipaða ábyrgd av bæði innanhýsis og uttanhýsis tvørfakliga
samstarvinum
Vit hava:
- eitt gott umhvørvi, har fólk trívast
- góð og dugnalig starvsfólk, sum geva børnunum ein góðan gerandisdag
- góðar arbeiðsumstøður
- góðar menningarmøguleikar
Vit ynskja, at tú:
- hevur útbúgving sum námsfrøðingur
- hevur viðkomandi leiðsluroyndir
- megnar at stuðla og kveikja til áhaldandi menning
- ert væl skipað/-ur í tínum arbeiði
- hevur fíggjarligt hegni, innlit og yvirlit
- megnar sjálvstøðugt at taka avgerðir
- hevur førleika til viðkomandi telduskipanir
- dugir væl við fólki og samstarvar væl
- ert savnandi
- ert virðilig/-ur og lurtandi
- dugir væl at samskifta bæði á skrift og í talu, bæði við starvsfelagar, børn, foreldur og aðrar samstarvspartar
- dugur væl at raðfesta, samskipa, leiða og kveikja, og sær møguleikar framum forðingar
Lønarviðurskifti
Lønar- og setanarviðurskifti eru sambært sáttmála millum Føroya Pedagogfelag og Kommunala Arbeiðsgevarafelagið.
Um tú hevur spurningar til starvið, kanst tú venda tær til Maritu Sumberg, borgarstjóra á 231090.
Umsókn
Umsókn, CV, prógv og viðmæli skulu sendast til info@vidareidi.fo í seinasta lagi 10. juni 2022.