Lýsing
Tøknideildin í Kringvarpinum lýsir eftir leiðandi framleiðara við ábyrgd fyri ljóði
Brennur tú fyri ljóðarbeiði, og vilt tú hava ein lyklaleiklut í framleiðsluni hjá Føroya størsta miðli? Tøknideildin í Kringvarpi Føroya søkir eftir leiðandi framleiðara við ábyrgd fyri ljóði, sum kann leggja til rættis, menna og samskipa ljóðarbeiðið á stovninum.
Høvuðsuppgávan hjá leiðandi framleiðaranum er at leggja til rættis og skipa ljóðarbeiðið í framleiðslunum hjá KvF. Ljóðframleiðsla, eitt nú studiovaktir, ljóðeftirviðgerð og beinleiðis framleiðslur, er eisini partur av starvinum.
Leiðandi framleiðarin við ábyrgd fyri ljóði vísir til deildarleiðaran á Tøkni.
Um starvið
Sum leiðandi framleiðari ert tú millum annað við til at tryggja, at ljóðið er gott í okkara sendingum, og tú fært ein týðandi leiklut í dagliga arbeiðinum á Tøknideildini.
Yvirskipað er høvuðsuppgávan ljóðarbeiði og at leggja til rættis ljóðuppgávur í sambandi við framleiðslu av sendingum. Leiðandi framleiðarin skal arbeiða fyri at betra framleiðsluna og tær mannagongdir, sum eru atknýttar.
Dømi um uppgávur:
- leggja og samskipa vaktir
- standa fyri studiobókingum
- tilmæla, hvussu uppgávurnar í framleiðsluni skulu mannast
- taka stig til regluligar menningarfundir
- koma við tilmælum um útgerð og hølir
Tínir førleikar og eginleikar
Vit vænta, at tú hevur viðkomandi miðlaútbúgving og/ella viðkomandi royndir, og at tú hevur holla vitan og royndir við ljóðarbeiði í loftbornum miðlum.
Vit vænta, at tú ert álítandi, røkin, fryntlig/-ur og hevur góð samstarvsevni. Tú ert eldhugað/-ur og kanst vísa á úrslit. Tú dugir at arbeiða sjálvstøðugt og í toymi.
Setanarviðurskifti
Starvið verður sett sum skjótast eftir sáttmála millum Starvsfelagið og Fíggjarmálaráðið og verður lønt í lønarflokki 8. Starvið er fulla tíð.
Ert tú áhugað/-ur, so send umsókn og viðkomandi skjøl til umsokn@kvf.fo – merk teldupostin “Leiðandi framleiðari”. Hevur tú spurningar um starvið, kanst tú venda tær til Dánjal Tavsen, tøknileiðara – á telefon 296675 ella skriva til danjalt@kvf.fo.
Umsóknarfreistin er 22. apríl 2025.
