Lýsing
Skurðdepilin á Landssjúkrahúsinum søkir eftir einum starvsfólki í farloyvisstarv fyri læknaskrivara at byrja skjótast gjørligt.
Talan er um eitt 1 ára farloyvisstarv á starvsbrøki 1,0.
Um starvið
Uppgávurnar eru fjølbroyttar og fevna í høvuðsheitum um samskifti við sjúklingar og avvarðandi, bæði gjøgnum telefon og teldupost, samskipan av ambulantum virksemi og virksemi á skurðgongini, umframt alt fyrifallandi skrivaraarbeiði.
Serøkini á Skurðdeplinum eru:
- Oyrna-Næsa-Háls
- Hoyriklinikkin
- Tannlæknastova
- Eygnadeild
- Ortopædkirurgi
- Parenkymkirurgi
- Urologi
- Mammakirurgi
- Skurðambulatoriið
Skipanir, ið verða nýttar, eru m.a. Cosmic, Mirsk, Outlook, Office-pakkin og Trio.
Dentur verður lagdur á
- At tú ert arbeiðssom/arbeiðssamur og setir tørvin hjá sjúklinginum í hásæti
- At tú hevur góð samstarvsevni
- Góðan telduførleika og at tú dugir/tímir at samskifta í telefon við sjúklingar og starvsfelagar
- At tú dugir væl at orða teg á føroyskum og donskum, bæði skrivliga og munnliga
- At tú trívist við toymissamstarvi, men eisini megnar at arbeiða sjálvstøðugt
- At tú trívist í einum skundmiklum gerandisdegi við nógvum arbeiðsuppgávum
- Royndir innan Cosmic, Mirsk og Office eru ein fyrimunur
Vit bjóða
- Eitt áhugavert arbeiðsøki í støðugari menning
- Góða upplæring á deildini
- Arbeiðssamar og dugnaligar starvsfelagar við góðum trivnaði
- Tvørfakligt samstarv við læknar, sjúkrarøktarfrøðingar, fysioterapeutar o.o.
- Møguleika fyri fakligari og persónligari menning
Vit samstarva í toymum og raðfesta høgt, at samansetingin av starvsfólki, samstarvið og trivnaðurin í toymunum rigga væl.
Skurðdepilin leggur stóran dent á tvørfakligt samstarv bæði innan- og uttanlands. Vit arbeiða við einari jaligari tilgongd bæði til arbeiðið og hvønn annan, og hetta ynskja vit eisini av okkara nýggja starvsfelaga.
Trívist tú við toymisarbeiði, dámar tvørfakligt samstarv, brennur fyri menning og broyting innan fakøkið, og trívist í einum fjølbroyttum gerandisdegi við skiftandi arbeiðsuppgávum, so ert tú kanska rætti skrivarin til okkum.
Lønar- og setanartreytir
Sambært sáttmála millum Fíggjarmálaráðið og Starvsfelagið.
Nærri upplýsingar
Heidi R. Vatnsdal
Leiðandi læknaskrivari á Skurðdeplinum
Telefon: 26 25 45
Teldupostur: heire@ls.fo
Umsókn
Umsóknarfreistin er 19. juni 2026.
Um viðkomandi, sum sett/ur verður, hevur starvast uttan fyri Føroyar og/ella har útbrot av MRSA hevur verið á arbeiðsplássinum síðstu seks mánaðirnar, skal negativ MRSA-skjalaváttan vísast, áðrenn byrjað verður í starvinum.
Les meira um Sjúkrahúsverkið:
www.sjukrahus.fo
