Lýsing
Ert tú handafim/ur, og kundi tú hugsað tær ein spennandi gerandisdag við nógvum ymiskum avbjóðingum í einum áhugaverdum arbeiðsumhvørvi? So er starvið sum maskinfólk á kryvjivirkinum hjá Hiddenfjord í Sørvági kanska nakað fyri teg.
Sum maskinfólk hjá Hiddenfjord fært tú eitt fjølbroytt og avbjóðandi starv, har góðir møguleikar eru fyri bæði fakligari og persónligari menning. Tú kemur at virka í einum framfúsnum, jaligum og óformligum umhvørvi, har dentur verður lagdur á samstarv og álit.
Framleiðslan av laksi hjá Hiddenfjord byggir á nýhugsan og sera framkomna tøkni. Tú verður partur av einum arbeiðsplássi, har áhaldandi menning á tekniska økinum hevur høga raðfesting, og tað er av stórur týdningi, at tú ert til reiðar til hesa avbjóðing.
Arbeiðsuppgávur
Sum maskinfólk verða tínar høvuðsuppgávur hesar:
- Vanligt arbeiði við maskinum og tekniskum útbúnaði
- Eftirlit, umvælingararbeiði og stillingar av maskinum
- Stýring og skráseting í viðlíkahaldsskipan og eykalutagoymslu
Starvsstaðurin er í Sørvági.
Førleikakrøv
- Viðkomandi tekniska útbúgving, sum t.d. maskinmeistari, maskinsmiður, elektrikari ella líknandi. Tað er ein fyrimunur at hava viðkomandi arbeiðsroyndir
- Góðan kunnleika til stýringar og el
- Væl skipað/ur og megnar at arbeiða sjálvstøðugt og í toymi
- Vilja til nýhugsan og víðarimenning
- Góð samstarvsevni, ert framskygd/ur og fleksibul
- Jaligan hugburð
Løn og setanarviðurskifti
Talan er um eitt fast starv, har arbeitt verður í skiftandi vaktum eftir eini vaktarskipan. Løn og setnanarviðurskifti verða sambært avtalu við arbeiðsgevara. Starvið verður sett sum skjótast ella eftir nærri avtalu.
Umsókn
Allar umsóknir verða viðgjørdar í trúnaði. Meira fæst at vita um starvið við at venda sær til Jón Joensen, tekniskur leiðara, tel +298 223090 ella teldupost til jon.joensen@hiddenfjord.com.
Umsóknarfreist er mánadagin, 17. apríl.
Umsókn við CV, prógvum, viðmælum og øðrum viðkomandi skjølum skal sendast til jon.joensen@hiddenfjord.com.
Um Hiddenfjord
Hiddenfjord er eitt føroyskt felag, sum alir laks í Føroyum. Felagið hevur verið í stórari menning í gjøgnum nógv ár. Fyritøkan hevur smoltstøð, aling, góðskingarvirki og søludeild. Tað arbeiða uml. 220 fólk hjá okkum. Felagið hevur stórt fokus á at ala í samljóði við náttúruna, so framtíðarmøguleikar ikki verða darvaðir av nútíðar virksemi.
