Lýsing
Vegna vaksandi virksemi sóknast vit eftir einum maskinsmiði til verkstað okkara á Hjalla at byrja skjótast gjørligt.
Á verkstaðnum eru nógvar spennandi og fjølbroyttar uppgávur at loysa. Virksemið á verkstaðnum umfatar fylgjandi:
- Stálverkstaður við bæði smærri eins og størri uppgávum
- Mekaniskur verkstaður, ið tekur sær av viðlíkahaldi og bráðfeingisumvælingum á serliga entreprenør maskinur, arbeiðslyftir v.m.
- Lastbilaverkstaður
- Persónbilaverkstaður
- Eisini hava vit vælútgjørdar rullandi eindir, ið koyra runt í landinum at viðlíkahalda og umvæla bráðfeingisbrek á staðnum
Arbeiðsøki
- Alt vanligt stál – og sveisiarbeiði
- Umvæling og viðlíkahald av bilum, maskinum og amboðum
Tín vangamynd
- ert arbeiðssamur/-som
- ert røkin og nærlagdur/-løgd
- ert álítandi
- hevur góð samstarvsevnir
Tað er umráðandi, at tú er ábyrgdarfullur, hevur góð samstarvsevnir og kann arbeiða miðvíst og sjálvstøðugt. Tú skal hava útbúgving sum stál- ella maskinsmiður ella líknandi. Tað er eitt krav, at tú hevur royndir sum smiður, hevur sveisað og arbeitt við stálarbeiði.
Vit bjóða
- Góð og skipaði arbeiðsviðurskifti
- Nútímans útgerð
- Eina spennandi yrkisleið
- Persónliga og fakliga førleikamenning
Fyri rætta fólkið er talan um eitt starv við spennandi avbjóðingum. Vit hava skipaði viðurskifti og eitt gott arbeiðsumhvørvi. Harumframt bjóða vit eitt vælvirkandi verkstað við nýmótans útgerð at loysa uppgávurnar.
Løn og setanartreytir
Løn og setanartreytir verða samsvarandi útbúgving og royndum.
Meir at vita
Hevur tú spurningar um starvið, kann tú venda tær til Bárð Árnason, leiðara, á telefon 216102.
Umsókn
Umsókn við prógvum og lívsrensli skulu vera okkum í hendi í seinasta lagi 23. mai 2023. Tú søkir starvið her.
ArtiCon varð stovnað í 2001 og er í dag millum størstu byggifyritøkur í Føroyum. Felagið tekst við størri og smærri byggi-, jørð og lendisarbeiði, og ger alt slag av apteringsarbeiðum umborð á bátum og skipum. Vit leggja dent á at vera ein álítandi samstarvsfelagi og seta dygd, trygd og trivnað í hásæti. Í fyritøkuni starvast umleið 270 fólk.
