Almannaverkið
Lýsing
Vit leita eftir námsfrøðingum og hjálparfólkum sum eru eldhugaði og ynskja at vera við at menna og stimbra tey ungu, sum búgva í sambýlinum Kelduskákið í Klaksvík.
Um størvini
- Eitt starv 40 tímar í miðal um vikuna at byrja skjótast gjørligt.
- Eitt starv 30 tímar í miðal um vikuna at byrja skjótast gjørligt.
Møguleiki er at fáa færri tímar um vikuna, um ynski er um tað.
Arbeiðsstaðurin er í Klaksvík og arbeiðstíðirnar eru í skiftandi vaktum allar dagar í vikuni.
Arbeiðsuppgávur
Í sambýlinum í Kelduskákinum búgva í løtuni 6 ung fólk sum hava autismu og ella annað menningartarn. Um stutta tíð verða tey 8 ung fólk, sum koma at búgva har.
Húsið er í tveimum hæddum, har 3 (4) ung fólk búgva í niðaru hæddini og 3 (4) ung fólk í ovaru hæddini.
Starvsfólk arbeiða á báðum hæddum, men tó bert á aðrari hæddini, hvørja ferð man er á vakt.
