Lýsing
Vit spæla, skapa og røra okkum – vilt tú vera við?
Námsfrøðingur til Frítíðarskúlan Varðan á Skála
Hevur tú gleði av at arbeiða við børnum, sum eru full av orku og hugflogi?
So hevur tú møguleikan nú – kom og verð partur av okkara livandi og fjølbroytta frítíðarskúla!
Um okkum
Varðin er frítíðarskúlin á Skála, har vit dagliga taka ímóti børnum við spæligleði, orku og skapanarhugi.
Vit leggja stóran dent á felagsskap, rørslu og kreativitet, og samstarva tætt við Barnahúsið Sellan og Skála Skúla.
Vit hava góðar fysiskar karmar, har pláss er at vera kreativ/ur bæði úti og inni, og vit hava atgongd til Høllina á Skála, fótbóltvøllin og vøkru náttúruna í bygdini.
Hvat tú fert at gera
- Vera ein partur av einum toymi, sum skapar tryggleika, gleði og felagsskap.
- Skipa fyri spølum, tiltøkum og skapandi virksemi – bæði inni og úti.
- Geva børnunum upplivingar í náttúruni og rúm at vera virkin og áhugaði.
- Styrkja sosialu menningina hjá børnunum, við at arbeiða í smærri bólkum og fylgja teirra áhugamálum.
- Samstarva við foreldur og starvsfelagar, so øll fáa ein tryggan og mennandi gerandisdag.
Vit leita eftir tær, sum
- Hevur útbúgving sum námsfrøðingur, ella er hjálparfólk við royndum og eldhuga.
- Er jalig/ur, opin, blíð/ur, kreativ/ur og álítandi – og sær gleðina í teimum smáu løtunum.
- Hevur orku, yvirlit og gott lag, eisini tá alt hendir í senn.
- Hevur áhuga fyri rørslu, spæli, sosialari menning og skapandi virksemi.
Vit bjóða tær
- Góðar arbeiðsumstøður við fyrireikingartíð og rúm fyri fakligari menning.
- Eitt jaligt og fjølbroytt arbeiðspláss, har vit gera okkum ómak og hava tað stuttligt.
- Eldhugaðar starvsfelagar við stórum hjørtum.
- Møguleika at menna teg fakliga gjøgnum TÍTT og Marte Meo.
- Gott tvørfakligt samstarv.
Setanarviðurskifti
- Løn sambært sáttmála millum Føroya Pedagogfelag og Kommunala Arbeiðsgevarafelagið.
- Barnaváttan verður kravd sambært §2 í barnaváttanarlógini.
- Starvið verður sett frá 1. januar 2026.
Vit gleða okkum at hoyra frá tær!
Send umsókn við prógvum, lívsrensli og møguligum ummælum í seinasta lagi 10. desember gjøgnum Alfred.fo.
Meira fæst at vita við at venda sær til
Sonju Einarsdóttir, leiðara, á tlf. 212252 / 667160.
Kom og verð partur av okkara litríka, leikandi og hjartaliga felagsskapi!
