Lýsing
Nú hevur tú møguleikan at gerast partur av siglandi toyminum umborð á Norrönu, har vit leggja stóran dent á hugna, samanhald og at geva gestunum upplivingar.
Móttøkan er miðdepilin á okkara siglandi hotelli. Starvið sum náttarvørður fevnir um at bjóða vælkomin, kunna, vegleiða og svara spurningum á besta hátt og við einum smíli. Harumframt at halda móttøkuøkið reint, og at taka sær av øðrum fyrifallandi uppgávum. Vit taka væl ímóti tær og tryggja okkum, at tú er væl fyrireikað/ur til uppgávurnar.
Tú
Tær dámar at arbeiða um kvøldið/náttina, og at tú heldur, at virðiligt samskifti og góð tænasta ger allan munin. Tú dugir vanligt teldubrúk, vanlig telduforrit og ert stinn/ur í enskum, týskum og norðurlendskum máli.
Starvssetan- og treytir
Starvið er fyribils tíðaravmarkað frá februar 2025 til november 2025, men við møguleika fyri at leingja setanina. Tú siglir 1:1, ið merkir, at hevur tú verið 4 vikur umborð, so fært tú eisini løn tær komandi 4 vikurnar heima.
Trygdin er grundarsteinurin í øllum, sum vit gera, og tí bjóða vit eisini trygdarskeið umborð.
Setanartreytir eru sambært sáttmála millum Føroya Fiskimannafelag & Reiðarafelagið fyri Handilsskip.
Freist at søkja
Freistin at søkja er 19. januar 2025. Umsóknir verða tó viðgjørdar leypandi.
Tú søkir starvið við at senda tína umsókn umvegis frymilin niðast á heimasíðuni HER.
Móttøkuleiðarin, Randi Nolsøe, hevur meira vitan um starvið. Tú er vælkomin at ringja á tel. 344845 ella senda fyrispurning umvegis receptionmanager@norrona.fo.
Um Smyril Line
Høvuðsvirksemið hjá Smyril Line er at reka ferðafólka- og farmavirksemi. Smyril Line eigur størsta ferðafólkaskipið í Norðuratlantshavi, Norrönu. Harumframt eigur Smyril Line farmaskipini Mykines, Akranes og Glyvursnes. Flutningsfyritøkan OCD, Hotel Hafnia og Hotel Brandan, eru eisini partur av Smyril Line samtakinum. Smyril Line hevur virksemi og skrivstovur í Føroyum, Danmark, Íslandi, Týsklandi og Hollandi.
