Vit fara at arbeiða við námsfrøðiliga amboðnum Betri vinir, sum ger tað lættari at styrkja barnafelagsskapin og fyribyrgja happing við støði í virðunum tolsemi, virðing, umsorgan og dirvi. 
Hetta er sostatt eitt gylt høvi hjá tær at nema tær vitan um verkætlanina hjá Barnabata, Betri vini. Tú kemur at ganga á odda við at fáa hetta arbeiðsamboð sjónligt í arbeiðsdegnum og somuleiðis virka í góðum samstarvi við starvsfelagar, børn og foreldur.
Talan er eitt um 1 starv til námsfrøðing í vøggustovu við 12 børnum og 2 størv til námsfrøðing í barnagarðstovu við 16 børnum. 

Blákollan bjóðar tær

• At verða við frá byrjan við verkætlanini Betri vinir
• Ein stovn, har tú kanst seta tín dám á gerandisdagin
• 48 fitt børn, ið fegin vilja vera kreativ saman við tær
• Ein góðan starvsfólkahóp og virkið foreldraráð
• Ein ráðleggingardag um árið, har stovnurin er stongdur, og arbeitt verður við ymiskum námsfrøðiligum evnum, umframt tíð til fyrireiking

Vit vænta av tær

• At tú kanst virka í góðum samstarvi við starvsfelagar, børn og foreldur
• At tú ert álítandi og ábyrgdarfull/ur
• At tú ert sjálvstøðug/ur og hevur yvirlit
• At tú kanst menna og stimbra børnini í teirra gerandisdegi
• At tú ert fleksibul
• At tú ert nærverandi, vísir áhuga og góðan hugburð til arbeiðið
• At tær dámar at vera úti og brúka náttúruna sum ein part av arbeiðinum
  Tað hevur stóran týdning, at tú sum starvsfólk tolir broytingar, ið koma fyri á stovninum.

Lønar- og setanarviðurskifti
Talan er um 3 størv á 30 tímar hvørt. Lønar- og setanarviðurskifti eru sambært sáttmála millum Føroya Pedagogfelag og Kommunala Arbeiðsgevarafelagið.
Um so er, at námsfrøðingur ikki søkir, kann hjálparfólk verða sett í tíðaravmarkað starv. Meira fast at vita frá Niels Juel Arge, barnaansingarsamskipara á tlf. 284538

Umsóknir
Umsókn við prógvum og lívsgongdarlýsing skal vera okkum í hendi seinast hósdagin 9.des. 2021

Tú søkir starvið við at trýsta á leinkjuna her: "Námsfrøðingar til Blákolluna".