Lýsing
Starvsfólk til ambulansatænastuna á Suðuroyar sjúkrahúsi
Ambulansatænastan á Suðuroyar sjúkrahúsi søkir eftir starvsfólki til tíðaravmarkað starv.
Talan er um fulltíðarstarv í skiftandi vaktum til setan 1. oktobur 2021 til 31. august 2022..
Ambulansatænastan er ein deild við nógvum ymiskum uppgávum. Ein av høvuðsuppgávunum er at vera ein bráðfeingishjálp í sambandi við lívbjargandi arbeiði. Harnæst er uppgávan flutningur av sjúkum og skaddum fólki og fólkum, ið eru rørslutarnað. Eisini hevur tænastan ábyrgd av øllum portørarbeiði, ið er á sjúkrahúsinum. Alt hetta setir stór krøv til starvsfólkið, sum mangan kemur at arbeiða undir serstøkum umstøðum.
Starvsøkið fevnir um Suðuroynna. Her starvast í løtuni 6 fólk. Deildin hevur 6 bilar, íroknað 3 sjúkrabilar og 1 átaksbil.
Nýgg starvsfólk skulu hava grundskeið, áðrenn tey kunnu starvast sum assistentar í sjúkrabilinum.
Grundskeiðið umfatar undirvísing og starvsvenjing, sum endar við einari praktiskari roynd – hetta fyri at ambulansatænastan kann veita eina dygdargóða tænastu til sjúklingar og avvarðandi.
Vit vænta, at tú
- ert tænastusinnað/ur, fyrikomandi og hevur góð samstarvsevni
- sært avbjóðingar fram um avmarkingar
- hevur evni til at orða teg bæði munnliga og skrivliga
- tekur ábyrgd og arbeiðir sjálvstøðugt
- ert fús/ur til at broyta teg við nútíðini
- virðir starvsfólkapolitikkin og virðisgrundarlagið hjá ambulansatænastuni.
Dentur verður lagdur á at umsøkjarar
- hava í minsta lagi 9. floks prógv, miðnáms- ella heilsufaklig útbúgving kann verða ein fyrimunur
- hava havt koyrikort til bólk B í minst trý ár
- eru fyltir 21 ár
- hava reina revsiváttan
- hava prógv í fyrstu hjálp
- eru millum 165-190 cm høgir uttan fótbúna
- hava góðan fysik og góða heilsu
- hava eina sjón, ið er soleiðis, at møguleiki er at taka vinnuligt koyrikort
- duga at miðla vitan bæði til starvsfelagar og aðrar starvsbólkar
- hava telduførleika á brúkarastøði.
Vit bjóða
- felags innleiðslu og upplæring
- fakliga kompetentar og virknar starvsfelagar
- tvørfakligt samstarv
- ein fakliga spennandi og mennandi gerandisdag
- eitt dynamiskt arbeiðspláss við fjølbroyttum avbjóðingum.
Royndartíðin er tríggir mánaðir.
Løn- og setanartreytir eru smb. sáttmála millum Fíggjarmálaráðið og Starvsmannafelagið.
Nærri fæst at vita við at venda sær til Hjalgrím Andreasen, leiðara í ambulansatænastuni tlf. 233028 ella teldupost gimme@ssh.fo
Umsókn saman við prógvum og viðkomandi skjølum skal sendast til: ssh@ssh.fo
Umsóknarfreistin er 18. septembur 2021.
Á okkara heimasíðu www.ssh.fo kanst tú lesa meira um sjúkrahúsið og ambulansatænastuna á Suðuroyar sjúkrahúsi.
