Lýsing
Dámar tær væl at koyra bil? Og vilt tú gerast partur av einum góðum toymi, sum hvønn dag arbeiðir fyri at fáa sendingar trygt og skjótt fram til móttakaran? So hava vit kanska eitt starv til tín sum postboð í Havn.
Posta leitar eftir einum postboði til útberingina. Tú gerst partur av einum góðum toymi, sum hvønn dag ger sítt besta fyri at tryggja, at alskyns flutningur kemur trygt fram til rætta móttakaran. Tær dámar væl at hava ábyrgd, og at gerandisdagurin til tíðir er skundmikil. Tað er umráðandi, at tú ert tænastusinnað(ur), ábyrgdarfull(ur) og eitt gott umboð fyri Posta.
Vit kunnu bjóða tær eitt avbjóðandi starv, har tú fært nógva fríska luft, meðan tú ert til arbeiðis og frælsi til sjálv(ur) at leggja ein part av degnum til rættis. Tú verður upplærd(ur), fært veðurgóðan búna, góðar starvsfelagar og eitt nútímans arbeiðsumhvørvi.
Vit ynskja, at tú
- hevur koyrikort til bil
- ert tænastusinnað/- ur
- ert ágrýtin og jalig/-ur
- hevur heilsu til at ganga úti
- hevur góð samstarvs- og samskiftisevni
Starvið er sett til fulla tíð, uml. 39 tímar um vikuna og er tímalønt smb. sáttmálanum hjá Starvsfelagnum. Arbeiðsstaðurin er í Havn.
Posta tryggjar hvønn dag, at alskyns flutningur – frakt, pakkar og vøra – í hópatali kemur trygt og skjótt fram til rætta móttakaran um allan heim. Posta hevur umleið 120 ársverk.
Vilt tú vita meira um starvið, kanst tú seta teg í samband við Sjúrð H. Hoydal, leiðari fyri útbering, á tlf. 23 60 31, millum kl. 09:00 og 16:00 gerandisdagar ella skriva til shh@posta.fo
Umsóknir
Umsóknir skulu verða okkum í hendi skjótast gjørligt og ikki seinni enn 10. august. Finna vit skikkaðan umsøkjara áðrenn freistina, verður starvslýsingin ikki longur at finna.
Vit ynskja, at umsøkjarin byrjar skjótast til ber.
Umsókn skal sendast til:
Att.: Starv sum postboð
