Lýsing
Ert tú journalistur ella samskiftisfólk og dugir tú væl at miðla tilfar, arbeiða á nýggju miðlapallunum og at taka myndir, so ert tú kanska okkara nýggja samskiftisfólk.
Høvuðsuppgávan er at skriva tíðindi til heimasíðuna og innannetið hjá Tórshavnar kommunu og at skriva røður og seta upp framløgur við modernaðum amboðum. Somuleiðis kanst tú vænta, at tú skalt loysa ítøkiligar samskiftisuppgávur í sambandi við ymiskar verkætlanir í kommununi. Myndatøka í sambandi við tiltøk hjá kommununi er eisini ein partur av starvinum.
Stjórnarskrivstovan
Stjórnarskrivstovan er skrivstovan hjá borgarstjóranum og stjórnini, og er staðsett í ráðhúsinum á Vaglinum. Í Stjórnarskrivstovuni starvast 11 fólk. Uppgávurnar hjá deildini fevna um løgfrøðiliga ráðgeving á kommunala økinum, samskiftisuppgávur- og ráðgeving eins og samskipandi uppgávur á ferðavinnu- og vinnuøkinum. Uppgávurnar hjá Stjórnarskrivstovuni fevna eisini um móttøkuna í ráðhúsinum, uppgávur í sambandi við umboðan og samskipan av virksemi hjá stjórnini í mun til politiska myndugleikan, býráðið og nevndirnar, og kommunalu umsitingina.
Leinkja til starvslýsingina á okkara heimasíðu
Leinkja til umsóknarskema
