Lýsing
Vit leita eftir álítandi og fyrikomandi savnsvaktum, ið ynskja at vera við til at skapa minniligar upplivingar fyri vitjandi okkara – umframt vera partur av einum toymi, ið saman arbeiðir at tryggja føroyska mentanararvin.
Vaktirnar byrja 1. mai og upplæring er væntandi í viku 17 ella viku 18.
Uppgávurnar hjá tær
- kundatænasta og vegleiðing
- søla av atgongumerkjum
- søla í savnsbúðini
- hava eftirlit við framsýningunum í Brekkutúni, Hoyvíksgarði og á Hvalastøðini við Áir
- hjálpa til við tiltøkum
- annað fyrifallandi arbeiði
Arbeiðsuppgávurnar eru sera fjølbroyttar, og tú kemur at arbeiða í øllum trimum framsýningunum.
Vit leita eftir tær, sum…
- hevur lætt við at koma í samband við fólk
- tosar føroyskt, skandinaviskt og enskt
- brennir fyri at veita eina góða kundatænastu
- trívist við skiftandi arbeiðsuppgávum
- hevur ein natúrligan myndugleika og torir at taka ábyrgd
- Hevur góðan røkjuskap, ert álítandi og fleksibul
- hevur koyrikort
- kanst arbeiða alt tíðarskeiðið frá 1/5-30/9
Møguliga hevur tú royndir innan handil, men hetta er ikki eitt krav, tí upplæring verður givin.
Hví velja eitt summarstarv á Tjóðsavninum?
- tú fært góða upplæring, so tú kennir teg trygga/n í øllum uppgávum
- tú verður partur av einum góðum toymi, har trivnaður og samstarv er í hásæti
- tú fært eitt mennandi, øðrvísi og gevandi summarstarv í sermerktum og vøkrum arbeiðsstøðum
- tú vinnur tær góðar royndir innan kundatænastu, ferðavinnu og trygd/eftirlit
Hvussu er arbeiðstíðin?
Framsýningarnar hjá Tjóðsavninum hava opið hvønn dag millum kl. 10-17 frá mai-septembur. Arbeitt verður eftir einum skiftandi skema. Tað hevur týdning, at tann, ið sett/ur verður, kann traðka til, tá tørvur er á tí.
Hvat er lønin?
Størvini eru tíðaravmarkað og sett eftir sáttmála millum Fíggjarmálaráðið og Starvsfelagið í flokki I. Tímalønin í løtuni er 152,75 + feriu- og eftirløn, umframt vaktargjøld í vikuskiftum og á halgidøgum.
Hvar fært tú meir at vita um starvið?
Nærri fæst at vita um starvið við at venda sær til Tjóðsavnið, Rannvá Winkler, savnvørð, á tlf. 790575.
Hvussu søkir tú?
Tað gert tú á Alfred.fo – Savnsvaktir til Tjóðsavnið - summarið 2026 | Tjóðsavnið í seinasta lagi 26/3.
