Lýsing
Í sambandi við at hæmodialysa verður skipað á Suðuroyar Sjúkrahúsi, søkir Medisinski depilin á Landssjúkrahúsinum eftir fýra sjúkrarøktarfrøðingum til Hæmodialysudeildina. Størvini eru dag- og kvøldvaktir og møguleiki er at søkja fulla- ella niðursetta tíð.
Satelittfunktiónin byrjar á Suðuroyar Sjúkrahúsi, tá nýggju starvsfólkini eru upplærd og kunnu veita eina dygdargóða viðgerð og røkt í dialysuni.
Tú verður við til at mynda nýggja dialysusatelittin í tøttum samstarvi við leiðsluna og kemur at menna skipanina soleiðis, at dygdin verður eins góð á Landssjúkrahúsinum og Suðuroyar Sjúkrahúsi.
Dialysudeildin á Landssjúkrahúsinum er mannað við 8 royndum og vælskikkaðum sjúkrarøktarfrøðingum, sum arbeiða í skiftivaktum dag og kvøld og í vikuskiftum. Nýralæknar hava fakligu ábyrgdina fyri borgarum, sum fáa dialysu í Føroyum.
Starvið verður tillagað eftir, hvar tú býrt. Arbeiðið er í høvuðsheitum í Suðuroy, tó við vaktum og fakligum viðlíkahaldi á Landssjúkrahúsinum.
Ynskið hjá okkum er at fáa umsóknir úr bæði Suðuroy og meginøkinum. Skipað upplæring verður partvís í Danmark og á Landssjúkrahúsinum.
Arbeiðsuppgávur í høvuðsheitum:
- at veita røkt og viðgerð til sjúklingar í hæmodialysu
Dentur verður lagdur á:
- prógv og góðkenning sum sjúkrarøktarfrøðingur
- minst 2 ára royndir sum sjúkrarøktarfrøðingur á kliniskum deildum
- góð samstarvsevni
- møguligar royndir á hæmodialysudeild og kunnleiki innan økið er ein fyrimunur, men ikki eitt krav
Vit bjóða:
- ein spildurnýggjan hæmodialysu satellitt á Suðuroyar Sjúkrahúsi
- eitt dynamiskt og fjølbroytt arbeiðsumhvørvi
- fakliga kompetentar og virknar starvsfelagar
- positivt tvørfakligt samstarv
- ávirkan á fakliga menning
- upplæring í at arbeiða við hæmodialysu
Nærri fæst at vita við at ringja á 304500 til Evu M. Holm, deildarleiðara, lokal 6250.
Lønar- og setanartreytir sambært sáttmála millum Felagið Føroyskir Sjúkrarøktarfrøðingar og Fíggjarmálaráðið.
Umsóknarfreistin er tann 3. oktober 2023.
Vinaliga søk starvið her.
Um viðkomandi, sum sett/ur verður, hevur starvast uttan fyri Føroyar síðstu 6 mánaðirnar, skal vikomandi hava eina negativa MRSA skjalaváttan, áðrenn byrjað verður í starvinum.
Á okkara heimasíðu www.ls.fo kanst tú lesa um okkara visjón, missión og strategimál, undir leinkjuni "Um okkum".
Sjúkrahúsverkið fevnir um tey trý sjúkrahúsini umframt Sjúklingahotellið í Keypmannahavn. Landssjúkrahúsið hevur áleið 133 sengur innan somatiska og psykiatriska økið, og samanlagt áleið 900 starvsfólk. Landssjúkrahúsið samstarvar við fleiri sjúkrahús uttanlands, og arbeiða konsulentar innan ymiskar sergreinar regluliga á sjúkrahúsinum.
Klaksvíkar Sjúkrahús hevur áleið 24 sengur innan somatiska økið og samanlagt áleið 120 starvsfólk. Umframt føstu læknarnar starvast fleiri serlæknar regluliga á sjúkrahúsinum.
Suðuroyar Sjúkrahús hevur 26 seingjapláss innan somatiska økið og samanlagt hava áleið 110 starvsfólk sítt dagliga yrki á sjúkrahúsinum.