Landssjúkrahúsið
Lýsing
Skurðdepilin á Landssjúkrahúsinum lýsir hervið eftir sjúkrarøktarfrøðingum.
Talan er trý størv:
Eitt starv er til setan frá 01.04.23 – 01.03.25 á brøk 0,7 (ella eftir avtalu) í skiftandi vaktum
Eitt starv er til setan frá 01.04.23 – 30.11.23 á brøk 0,8 (ella eftir avtalu) í skiftandi vaktum
Eitt starv er til setan frá 01.04.23 – 31.08.23 á brøk 0,7 (ella eftir avtalu) í skiftivaktum
Deildin er ein kirurgisk seingjadeild. Vit veita røkt og viðgerð til sjúklingar innan ortopedi, parenkym, urologi, gynekologi, ONH og eygnasjúkum. Deildin hevur samanlagt pláss fyri 34 sjúklingum, við 23 plássum á G4 og 11 plássum á A3. Eisini umfatar virksemið Dagskurð.
Setanarøkið og tænastan er í løtuni á G4/A3 á Skurðdeplinum.
Dentur verður lagdur á:
- Góð samstarvsevni og eitt opið og jaligt sinni
- Fakligan áhuga og royndir innan kirurgiska sjúkrarøkt
- Kreativitet og fleksibilitet
- Ábyrgdarkenslu fyri at skapa góðan trivnað á deildini
- At miðla vitan bæði á deplinum og til aðrar samstarvsfelagar
- Góðan telduførleika
