Lýsing
Medisinski depilin á Landssjúkrahúsinum søkir eftir sjúkrarøktarfrøðingi til hematologiskt ambulatorium. Talan er um fast starv á starvsbrøki 0,8 at byrja 1. feb. 2026 ella eftir avtalu.
Arbeiðstíðin er gerandisdagar millum kl. 8-16. Starvið fevnir eisini um vikuskiftisvaktir á medisinskari seingjadeild.
Um Hematologiska ambulatoriið
Hematologiskt ambulatorium er staðsett á G3 og er mannað við serlæknum, sjúkrarøktarfrøðingum og skrivara. Í 2023 varð Hematologiskt ambulatorium umskipað við føstum tilknýti til hematologiska økið á Ríkissjúkrahúsinum. Hetta merkir millum annað, at fleiri viðgerðir enn áður verða givnar á Landssjúkrahúsinum.
Arbeiðsuppgávur í høvuðsheitum:
- Veita sjálvstøðuga sjúkrarøkt, viðgerð og eftirkanningar
- Geva kemoviðgerð/biologiskan heilivág, intravenøsar injektiónir/infusiónir, tablettviðgerðir
- Útinna, leiða, miðla og menna vitan um sjúkrarøkt
- Vera við til at menna hematologiska økið í Føroyum
- Optimera sjúklingagongdir hjá hematologiskum sjúklingum
- Kunna sjúklingar, avvarðandi og heilsustarvsfólk um sjúku, heilivág o.a.
- Tvørfakligt samstarv við læknar, læknaskrivara og aðrar viðkomandi fakbólkar
Dentur verður lagdur á, at tú hevur:
- Prógv og góðkenning sum sjúkrarøktarfrøðingur
- Góð tvørfaklig samstarvsevni
- At tú megnar at fáa yvirlit yvir fjøltáttaðu arbeiðsuppgávurnar og at raðfesta og samskipa sjúklingagongdir
- Sinnað/ur at menna førleikar at miðla vitan og undirvísa
Vit bjóða:
- Felags innleiðslu og upplæring
- Virknar og skikkaðar starvsfelagar
- Eitt dynamiskt, avbjóðandi og fjølbroytt umhvørvi
- Góðar møguleikar fyri førleikamenning
- Tætt tvørfakligt samstarv
Lønar- og setanartreytir sambært sáttmála millum Felagið Føroyskir Sjúkrarøktarfrøðingar og Fíggjarmálaráðið.
Nærri fæst at vita um starvið við at ringja til Jóhannu Andreasen funktiónsleiðara á tlf. 304500, lokal 6251, ella við at skriva til johad@ls.fo
Umsóknarfreistin er 21. januar 2026.
Vinarliga søk starvið her.
Prógv og viðmæli verða send við umsóknini.
Um viðkomandi, sum sett/ur verður, hevur starvast uttan fyri Føroyar síðstu 6 mánaðirnar, skal MRSA-skjalváttan vísast, áðrenn byrjað verður í starvinum.
