Lýsing
Familjudepilin søkir hervið eftir sjúkrarøktarfrøðingi til neonatologiina í Børn og Ung somatik. Talan er um eitt fast starv á starvsbrøki 0,8 við starvsbyrjan 01.11.2022 ella eftir avtalu.
Familjudepilin er skipaður í trý klinisk fokusøkir. Økini eru Barnakonueindin, Børn og Ung somatik og Børn og Ung psykiatri.
Familjudepilin er stovnaður við tí endamáli, at stuðla undir alla tilgongdina hjá barnakonum og barnafamiljum, børnum og ungum, frá gitnaði til barnið er 18 ár. Fokus er á sjúklingagongdir og funktiónir, har dentur verður lagdur á tvørfakliga fyribyrging, stuðul, kanning, viðgerð, uppfylging og trivnað fyri øll børn og avvarðandi teirra, umframt komandi foreldur og allar nýføðingar í Føroyum. Hetta uttan mun til, um tey stríðast við somatiska ella psykiatriska sjúku.
Eindin Børn og Ung somatik fevnir um innløgd børn og ung frá 0 til 18 ár, neonatologi, sum er viðgerð og røkt av ov tíðliga føddum og sjúkum pinkubørnum. Eindin fevnir eisini um ambulant virksemi.
Familjudepilin varð settur á stovn 01.06.2021 og flytir eftir ætlan í nýggja H-bygningin primo 2023.
Neonatologiin er í løtuni staðsett á Føðideildini, men flytir í Børn og Ung somatik eindina, tá ið flutt verður í nýggja H-bygningin. Sjúkrarøktin kemur í skiftistíðini at umfata bæði neonatalrøkt og barsilsrøkt.
Førleikar
- Danska autorisatión sum sjúkrarøktarfrøðingur
- Royndir innan serøkið kann hava ein fyrimun
- Fakligan áhuga í viðgerð og røkt av neonatal sjúklingum við bráðfeingis tørvi
- Hug og vilja at arbeiða við egnari fakligari menning og førleika
- Góð samstarvsevni og eitt opið og jaligt sinni
- Ábyrgdarkenslu fyri at skapa góðan trivnað í eindini
- Evni til skjótt at skapa tær yvirlit
- Kreativ/ur og fleksibul
- Broytingarsinnað/ur
- Førleika at miðla vitan bæði á deplinum og til aðrar samstarvsfelagar
Vit bjóða
- Felags innleiðslu á Landssjúkrahúsinum, umframt einstaklingainnleiðslu í eindini
- Eitt spennandi arbeiðsumhvørvi við nógvum ymiskum avbjóðingum
- Møguleika fyri upplæring innan neonatala økið
- Eitt arbeiðsumhvørvi, sum leggur dent á trivnað og menning
- Eitt arbeiðsumhvørvi, sum hevur eitt høgt fakligt støði
Lønar- og setanartreytir sambært sáttmála millum Felagið Føroyskir Sjúkrarøktarfrøðingar og Fíggjarmálaráðið.
Nærri upplýsingar um starvið fáast við at venda sær til Oddvør Simonsen, toymisleiðara, á t-post oddsi@ls.fo ella Herdis Ludvig, funktiónsleiðara, á t-post herlu@ls.fo.
Umsóknarfreistin er tann 14.09.2022.
Vinarliga søk starvið her.
Barnaváttan verður kravd í sambandi við setanina.
Um viðkomandi, sum settur verður, hevur starvast uttan fyri Føroyar síðstu 6 mánaðirnar, skal MRSA skjalváttan vísast innan byrjað verður.
Á okkara heimasíðu www.ls.fo kanst tú lesa um okkara visjón, missión og strategimál, undir leinkjuni "Um okkum".
Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og Suðuroyar sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.
Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.
Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.
