Landssjúkrahúsið
Lýsing
Medisinski depilin á Landssjúkrahúsinum søkir eftir sjúkrarøktarfrøðingi til palliativa toymið. Talan er um tíðaravmarkað starv á starvsbrøkið 0,8 við starvsbyrjan 01.04.2023 til og við 30.04.2024.
Palliativa toymið veitir álvarsliga sjúkum krabbameinssjúklinginum og teirra avvarðandi tilboð um linnandi viðgerð og røkt. Harvið viðvirkar toymið til, at lívsdygdin gerst so góð sum gjørligt ta seinastu tíðina.
Arbeiðsuppgávur í høvuðsheitum:
- At veita ráðgeving, vegleiðing, stuðul og umsorgan
- At ráðgeva tvørfakliga bæði innan primera og sekundera arbeiðsøkið
- At samskipa sjúklingagongdina hjá tí palliativa sjúklinginum soleiðis, at tað so vítt gjørligt er samanhangur millum tilboðið heima, undir innleggjan og við útskrivan
- At samstarva við heimatænastuna, kommunulæknar, sjúkrahúsdeildir, røktarheim, heimið og aðrar viðkomandi stovnar
- At vegleiða og undirvísa starvsfólkum, sum eru um tann palliativa sjúklingin/avvarðandi
- At vera við til at menna tað palliativa økið í Føroyum
