Skrivstovufólk til TSK

Eitt starv sum avloysari fyri skrivstovufólk í fyrisitingini á skúlanum er leyst at søkja.

Tíðarskeiðið er frá 1.februar 2022 til 30.apríl 2023.

Tú kemur saman við roknskaparfólki og stjóra at arbeiða í miðdeplinum á skúlanum og vera sambindingarlið millum starvsfólk, næmingar og heim.

Á skúlanum eru fimm undirvísingareindir: Tøknibreytin, Matvøru-, Metal-, El- og Timburútbúgvingin og Serbreyt við hvør sínum deildarleiðara. Hartil matarhøll og skúlaheim.

Arbeiðsuppgávurnar eru:

• Fíggjarstýring undir stjóranum
• Fyrireiking og umsiting av próvtøkum
• Vanliga málsviðgerð
• Samskifti á sosialu miðlunum
• Tryggja samskifti millum skúla, myndugleikar og kundar
• Tænastur í avgreiðsluni

Vit vænta:

• At tú hevur skrivstovuútbúgving innan almenna fyrisiting ella aðra líknandi útbúgving
• Hevur áhuga í at menna tínar førleikar
• Hevur góðan kunnleika til KT
• Ert eldhugað, opin og jalig
• Brennur fyri støðugari persónligari menning
• Hevur góð evni at samskifta munliga og skrivliga
• Hevur góð samstarvsevni
• Kanst arbeiða við skiftandi uppgávum og
• Trívist væl millum ung, næmingar og onnur starvsfólk

Vit bjóða

• Eitt skiftandi og avbjóðandi starv
• Eitt starv har tú sjálvur kanst forma uppgávurnar
• Gott arbeiðsumhvørvi
• Góðar starvsfelagaðar og næmingar

Løn og setanartreytir eftir sáttmála millum Fíggjarmálaráðið og Starvsmannafelagið flokkað í III-7.

Umsókn við CV skal sendast skúlarstjóranum á runih@tsk.fo í seinasta lagi 3.januar, kl.15.00.

Tekniski Skúlin í Klaksvík

Heygavegur 1A FO-700 Klaksvík http://tsk.fo