Lýsing
Vit leita eftir einum dugnaligum starvsfólki til eitt fyrisitingarligt starv á Leiðsluskrivstovuni, sum er ein nýggj deild hjá Føroya Politi.
Uppgávurnar hjá Leiðsluskrivstovuni fevna m.a um:
· at stuðla leiðsluni i hennara virksemi
· at handfara løgfrøðiligar uppgávur, sum ikki eru revsirættarligar
· samskifti, kunning og fjølmiðlar
· innaneftirlit, váðastýring, góðskutrygging, hagtøl og greiningar
· stuðlandi eind fyri verkætlanum
Tín uppgáva verður at styðja uppundir virksemið á Leiðsluskrivstovuni, m.a. við at:
· umsita postin og skráseta mál v.m.
· hjálpa við innlitsmálum
· fyrireika fundir, fundartilfar og tiltøk
· umsita heimasíðu
· seta upp kunningartilfar, framløgur o.l.
· tola broytingar í arbeiðsuppgávunum
Um teg
Tú hevur skrivstovuútbúgving ella líknandi. Tú dugir væl at samskifta, ert røkin og tænastusinnað/ur og hevur góð samstarvsevni. Umframt góðar málførleikar hevur tú hollar telduførleikar. Tað er ein fyrimunur, um tú hevur samskiftisførleikar á grafiska og tøkniliga økinum.
Starvið
Starvssetanin er á Leiðsluskrivstovuni hjá Føroya Politi. Arbeiðstíðin er 37 tímar um vikuna, og starvið verður sett sambært sáttmála millum HK-felagið og Moderniseringsstyrelsen. Um tú vilt vita meira um starvið, ert tú vælkomin at seta teg í samband við Biritu Biskopstø, stjóra á Leiðsluskrivstovuni, telefon 218032.
Trygdargóðkenning frá PET krevst fyri at blíva sett/ur í starvið.
Umsóknarfreistin er 10. mai 2023 kl. 12.00.
Umsókn
Umsókn skal sendast til politiið saman við lívsrensli, prógvi og møguligum øðrum skjølum við telduposti á: fo-personalekontor@politi.dk.
Vit mæla øllum skikkaðum umsøkjarum uttan mun til kyn, aldur, ættarslag, átrúnaðarliga áskoðan ella etniskan uppruna til at søkja starvið.
