Lýsing
Vit sóknast eftir einum dugnaligum og ágrýtnum skrivstovufólki at arbeiða fulla tíð. Starvið kann eisini verða sett til niðursetta tíð, um ynski er um tað.
Uppgávurnar fevna um allar vanligar skrivstovuuppgávur á einari advokatskrivstovu. Hesar eru m.a. móttøka av kundum, svara telefonum, áseta og gera klárt til fundir, tilevnan og avgreiðslu av ymiskum skjølum, ymiskt samskifti, og annars at vera advokatunum til hjálpar á ymsan hátt. Talan er um eitt fjølbroytt starv við nógvum og ymiskum uppgávum innanfyri eitt spennandi virkisøki.
Vit vænta, at tú:
- Hevur skrivstovuútbúgving ella hevur royndir sum skrivstovufólk
- Arbeiðir sjálvstøðugt
- Ert sera vælskipað/-ur
- Hevur góðar málsligar førleikar bæði munnliga og skrivliga á føroyskum og donskum (enskt er ein fyrimunur, men ikki eitt krav)
- Ert fleksibul og trívist í einum starvi, har uppgávurnar eru nógvar og fjølbroyttar
- Tað er ein fyrimunur, at tú hevur royndir innan bókhald. Hetta er tó ikki eitt krav
- Kanst brúka Office-pakkan á brúkarastøði
Lønar- og setanarviðurskifti
Starvið verður sett til fulla tíð, sum er 39 tímar um vikuna (íroknað matarsteðg). Starvið kann eisini verða sett til niðursetta tíð, um ynski er um tað. Endaliga tímatalið verður tillagað eftir tínum ynskjum. Starvið verður lønt eftir viðkomandi starvsroyndum og við eini kappingarførari løn. Starvið verður sett skjótast tilber, og annars eftir nærri avtalu.
Umsóknir og samband
Hevur tú spurningar til starvið, ert tú vælkomin at seta teg í samband við Annfinn V. Hansen, advokat, á tlf. 239590.
Umsókn saman við avriti av prógvum, CV og møguligum ummælum skulu sendast til advokat@advokat.fo. Umsóknarfreistin er 15. desember 2022.