Lýsing
Ert tú klár/ur til eina spennandi byrjan á tína yrkisleið?
Bygma Balslev søkir eftir einum ágrýtnum og tænastusinnaðum skrivstovulærlingi til okkara fyrisiting. Vit bjóða tær ein góðan møguleika at gerast partur av eini fyritøku í stórari menning og eini fyritøku sum er størst innan sølu av byggitilfari í Føroyum.
Um starvið
Sum skrivstovulærlingur verður tú partur av einum toymi, sum hevur tætt samstarv við søludeildirnar umframt at skrivstovutoymi samskiftir við kundar á ymsan hátt. Skrivstovutoymið telur 7 starvsfólk, harumframt hoyrir kantinan, marknaðar- og KT deildin eisini til skrivstovuna.
Tínar uppgávur koma m.a. at fevna um:
- Tolling og kalkulatión av vøruinnkeypi
- Kreditorbókhald
- Ordrarættan
- Dagligar skrivstovuuppgávur og kundasamskifti
Lærlingaútbúgvingin er ein skiftisútbúgving, har tú skiftir ímillum at vera í læru/arbeiða á einum arbeiðsplássi og ganga í skúla.
Tú fært løn undir allari útbúgvingini, og eftir loknað útbúgving fært tú lærubræv, sum gevur tær góðar framtíðar møguleikar.
Skúlagongdin er á Glasi og tekur áleið 7 vikur á 30 undirvísingardagar sum aloftast liggja síðsta árið av lærutíðini. Arbeiðstíðin eitur 40 tímar um vikuna.
Royndartíð er fyrstu seks mánaðirnar.
Lønin er góð, og er væl hægri enn lønartalvurnar hjá Samverk (S&K) áseta.
Vit vænta at tú ert:
- Fyrikomandi, tænastusinnað/ur, álítandi og hevur góð evni at samskifta
- Málsøkin og dugir at arbeiða bæði sjálvstøðugt og hevur rímiligan telduforleika
- Dugir at hava fleiri bóltar í luftini samstundis
Vit bjóða tær
- Løn og setanartreytir sambært sáttmála við Samverk, tó liggur lønin væl hægri enn lønartalvurnar hjá Samverk
- Eitt fjølbroytt og spennandi starv í einum livandi og óformellum umhvørvi
- Møguleikar at menna teg bæði persónliga og fakliga
- Uppgávur og ábyrgd sum samsvara við tínar vaksandi førleikar
Lærutíðin er millum 2 og 3 ár – alt eftir hvørja skúlagongd tú hevur. Tað er ein fyrimunur at tú hevur hevur miðnámsútbúgving við búskaparbreyt ella tilsvarandi.
Bygma Balslev
Størsta fyritøkan av sínum slag. Tað starvast áleið 75 fólk í Havn og í Suðuroy.
Ynskir tú at vita meira?
Ynskir tú at vita meira um starvið, ert tú vælkomin at seta teg í samband við Júst í Túni Vang, fíggjarleiðara á tel. 345020 ella á jtv@balslev.fo
Umsóknir og avrit av viðkomandi skjølum skulu sendast til jtv@balslev.fo í seinasta lagi fríggjadagin 10. januar.
