Lýsing
Við hesum verður søkt eftir skrivstovulærlingi at byrja 3. januar 2023.
Vit bjóða:
Eitt lærupláss, har tú kemur at læra alt vanligt bókhalds- og skrivstovuarbeiði. Tú gerst partur av einum fjølltáttaðum starvsfólkahópi og kemur vísa til roknskaparleiðaran.
Vit væntað, at tú:
- Ert fyrikomandi og álítandi.
- Hevur FHS ella HH.
- Dugir eisini at arbeiða sjálvstøðugt.
- Ert nærlagdur/nærløgd og røkin.
- Ert fleksibul og kann gera nógvar ymsar arbeiðsuppgávur.
- Ágrýtin og íðin eftir at læra.
- Dugir væl at samskifta og málbera teg á føroyskum bæði í skrift og talu.
Lærutíð og løn eru sambært S&K sáttmálan.
Umsókn:
Skrivligar umsóknir við fylgiskjølum skulu vera El.fo í hendi í seinasta lagi 10. desember 2022 og kunnu sendast til el@el.fo ella El.fo, Gamli Velbastaðvegur 1, 100 Tórshavn. Um tú ynskir at vita meira, ert tú vælkomin at ringja til Duritu Krosstind Gregersen, roknskaparleiðara, á tlf 739511/203203.
Um El.fo:
El.fo spf starvast við øllum innan el-arbeiði og er ein heildarveitari av elektriskum anleggum og skipanum til sterkstreym og veikstreym. Tað starvast í løtuni 29 fólk hjá El.fo, harav flestu eru úti hjá kundum. El.fo er ein fyritøka í menning og skrivstovunæmingurin verður við í hesi spennandi ferðini.