Sølulærlingur til Valdemar Lützen Byggibúð

Vit leita eftir einum ágrýtnum sølulærlingi til byggibúð okkara í Tórshavn.

Um læruplássið
Tú kemur at starvast í handli okkara á Skálatrøð í Tórshavn og verður partur av einari fyritøku, ið setur tænastu og vitan fremst. Tú fær góða upplæring innan øll økir í handilsvirkinum og kemur eisini at taka læruskeið á skúla í Danmark. Í lærutíðini kemur tú at læra alt um amboð, byggitilfar, kundarøkt og goymslu.

Tín vangamynd
Kundin er miðpunktið í virksemi okkara og vit ynskja at tú:

• Er blíð/ur av lyndi og dámar at samskifta við fólk
• Er virkin, røkin og møtir rættstundis
• Dámar ein fjøllbroyttan gerandisdag og nýggjar avbjóðingar.

Setanarviðurskiftið
Ynskiligt er at tú hevur viðkomandi miðnámsútbúgving.

Lærutíðin er 3 ár um tú hevur FHS og 2 ár um tú hevur Hægri handilsskúla.

Vit bjóða eina góða løn í lærutíðini og tú fær møguleika fyri einum gevandi starvi hjá okkum eftir lokna lærutíð.

Freist at søkja
Starvið verður sett skjótast gjørligt, men starvsetanin kann tillagast um rætti umsøkjarin kemur úr ørðum starvi. Umsóknir skulu sendast við telduposti saman við CV og møguligum prógvum til vlb@vlb.fo

Hevur tú spurningar um starvsplássið og lærutíðina er tú vælkomin at seta teg í samband við Jón McGavin, handilsleiðara, á tlf. 231016 ella við teldupost á vlb@vlb.fo