Lýsing
Vegna ein klient verður søkt eftir skrivstovufólki ella skrivstovulærlingi at byrja skjótast tilber.
Arbeiðsuppgávurnar eru í høvuðsheitum at gera alt fyrifallandi skrivstovuarbeiði, harundir svara telefon, samskifta við kundar og debitorbókhald.
Fakligir eginleikar:
Tann, ið settur verður, eigur at evni at arbeiða sjálvstøðugt, hava gott yvirlit og góð evni at samstarva.
Persónligir eginleikar:
Vit ynskja at tú er røkin, arbeiðssamur/arbeiðssom og samstarvshugað/ur. Tú skal kunna arbeiða sjálvstøðug/t, men skal eisini loysa uppgávur saman við øðrum.
Setanarviðurskifti:
Starvið er fulltíðarstarv, men kann eftir avtalu verða ¾ tíðarstarv. Lønar og setunarviðurskifti verða sambært avtalu.
Arbeiðstíð:
Arbeiðstíðin er vanlig arbeiðstíð fyri fulltíðarstarv og tilsvarandi niðursett við ¾ parttíðarstarv.
Umsóknir:
Umsóknir við møguligum viðmælum og prógvum, saman við upplýsingum um royndir, skal verða Óla M. Hansen, adv., Magnus Heinasonar gøta 10, Postboks 158, 110 Tórshavn, oha@faroelaw.fo, í hendi í seinasta lagi 15. august 2022.
Fleiri upplýsingar um starvið fáast við at venda sær til Óla M. Hansen á tlf 517316.
Arbeiðsgevarin tilskilar sær rætt til frítt at velja millum innkomnar umsóknir, og eisini rættin til ikki at taka av nakrari av innsendu umsóknunum.