Lýsing
Talan er um tvey føst størv. Størvini eru fulla tíð, men møguleiki er fyri niðursettari tíð. Størvini eru við byrjan 01.06.2025 ella eftir nærri avtalu. Arbeiðsstaðurin er í Havn.
Arbeiðsuppgávur
Við støði í tvørfakligari hugsan ráðgevur Borgaratænastan borgarum um allar peningaligar veitingar og tænastur innan Almannaverkið. Deildin viðger umsóknir um uppihaldsveiting vegna arbeiðsloysi, sjúku, samlívsslit og aðrar almannahendingar. Vit gera avtalur við arbeiðsgevarar um at seta í gongd virknisvenjingar. Vit gera uppfylging av sjúkudagpengum. Umsóknir um persónliga viðbót til pensjónistar og stakútreiðslur og umsóknir um fyritíðarpensjón vegna einkjustøðu verða somuleiðis viðgjørdar á deildini. Tú skalt møta borgarum, har hann er og veita almenna sosiala ráðgeving og vegleiðing.
Deildin ger heildarlýsingar, virkisætlanir og visiterar til aðrar deildir í Almannaverkinum.
Borgaratænastan er mannað við 12 sosialráðgevum um alt landið, og vit hava samband við fleiri enn 1300 borgarar um árið.
